د ښځو پر ضد د تاوتریخوالي مخنیوی د لویې څارنوالۍ کاري لومړیتوب دی

Ago
چهارشنبه ۱۳۹۷/۱۲/۲۲ - ۱۱:۲۷
roz zan

لوی څارنوال څارنپوه محمدفرید حمیدي د ښځو د نړیوالۍ ورځې په مناسبت په رابلل شوې غونډه کې وویل، چې له ښځو او ماشومانو سره د تاوتریخوالي مخنیوی د لویې څارنوالۍ له کاري لومړیتوبونو څخه ګڼل کېږي او له همدې لارې په هېواد او ټولنه کې د مېرمنو ځای هم تثبیتولی شو.

لويې څارنوالۍ د ښځو نړیواله ورځ د ۱۳۹۷ کال د کب پر ۲۱ ونمانځله. په دغه غونډه کې د هېواد د لوی څارنوال او د نوموړي د مرستیالانو په ګډون د ولسمشر د دویم مرستیال ارشد مشاورې اغلې وهاج، د ښځو چارو وزارت مسلکي مرستیالې سپوږمۍ وردګ، د اصلاحاتو او ملکي خدمتونو کمېشنرې عالیې یلماز، د لويې څارنوالۍ رئیسانو او د دغې ادارې ګڼو ښځینه کارکوونکو برخه اخیستې وه.

په دغه غونډه کې لوی څارنوال څارنپوه محمدفرید حمیدي د ښځو د نړیوالې ورځې د اهمیت د بیان تر څنګ زیاته کړه، چې دا ورځ باید سېمبولیکه ونه نمانځل شي؛ بلکې په دغه ورځ باید د ښځو د تېر کال لاسته راوړنې او د راتلونکي کال لپاره په ادارو کې د ښځو د مشارکت او همداراز د ونډې د پراختیا ګټور پلانونه وړاندې شي.

loy saranwal

ښاغلي حمیدي زیاته کړه: «لویه څارنوالي د هېواد په مرکز او ۳۳ ولایتونو کې د ښځو پر ضد د تاوتریخوالي د مخنیوي ځانګړې څارنوالۍ لري، چې د ښځینه څارنوالانو له خوا اداره کېږي او همداراز موږ پلان لرو، چې راروان کال په ولایتونو کې له ښځو سره د تاوتریخوالي د مخنیوي ابتداییه او استیناف څارنوالۍ هم ایجادې کړو.»

د نوموړي په خبره، په دغه اداره کې په تېرو څو کالو کې د ښځینه کارکوونکو شمېر له درې سلنې تر شل سلنې رسېدلی، چې د مرستیالانو، رئيسانو او آمرانو په کچه ګڼې مېرمنې په دغه اداره کې په دندو بوختې دي.ښاغلي حمیدي په لویه څارنوالي کې د ښځو د ونډې زیاتېدنه یو نظامند او باتعهده مشارکت وباله.

لوی څارنوال همداراز وویل: «زموږ یو مسؤولیت ښځو ته د کاري خوندي فرصتونه برابرول دي او په دې برخه کې د افغانستان قوانین د ښځو په اړه یو پراخ سیاسي او مثبت امتیازي لیدلوری لري.»

لوی څارنوال ځینې فرهنګي ستونزو ته په اشارې سره وویل، چې د منفي فرهنګ په له منځه وړنه کې پخپله د ښځو رول خورا اغېزناک دی.

همداراز څارنپوه محمدفرید حمیدي د سولې په پروسه کې د ښځو د ګډون په تړاو ټینګار وکړ، چې د ښځو د غږ له اورېدو او ګډون پرته په هېواد کې تلپاتې سولې ته نه شو رسېدای.

له دې سره سم د ولسمشر د دویم مرستیال ارشد مشاورې اغلې وهاج د دولت له خوا د ښځو پر ضد د تاوتریخوالي د مخنیوي د ملي طرحې جوړول چې له مخې يې د مېرمنو پر ضد د تاوتریخوالي په مخنیوي کې مرسته کوي، یو نېک ګام وګاڼه.

اغلې وهاج دا هم وویل، چې په دولتي ادارو کې د جنډر په رعایتونې سره کولای شو، ټولنیز عدالت پلی کړو. د نوموړې په باور، تر هغې چې ښځې لیک لوست ته لاسرسی ونه لري، ټولنیز عدالت ته هم نشو رسېدلای.

په ورته وخت کې د اصلاحاتو او ملکي خدمتونو کمېشنرې عاليې یلماز هم په دولتي ادارو کې د ښځو ونډه د پام وړ وګڼله او زیاته يې کړه، چې حکومت په دولتي ادارو کې د ښځو د ونډې د زیاتوالي په برخه کې ګټور ګامونه اخیستې دي.

اغلې یلماز په دې تړاو زیاته کړه: «په وروستیو کالو کې د ښځو د مشراکت د زیاتوالي پالیسي چې کابینې هم تصویب کړې، له ښځو سره مرستندویه ثابته شوې ده.»

د ښځو چارو وزارت مسلکي مرستیالې سپوږمۍ وردګ هم تر پخوا د ښځو وضعیت د ډاډ وړ وباله او زیاته یې کړه، چې دمګړۍ ۳۸ سلنه نجونې په ښوونځيو او ۲۴ سلنه هم په پوهنتونو کې په زده کړو بوختې دي.

نوموړې وویل: «د دې تر څنګ ۲۷ سلنه مېرمنې د ملکي خدمتونو په برخه کې په دندو بوختې دي او له نېکه مرغه د هېواد په ټولو ولایتونو کې د ښځو پر ضد د تاوتریخوالي ځانګړې څارنوالۍ او په ۲۸ ولایتونو کې د ښځو پر ضد د تاوتریخوالي د مخنیوي محکمې هم لرو.»

په ورته وخت کې بنفشې یعقوبي هم په لویه څارنوالۍ کې د ښځو د ونډې په زیاتوالي خوښي څرګنده کړه و زیاته یې کړه، چې په خوندي کاري چاپيریال کې د ښځو او نارینه وو ګډون،په ادارو کې د ښځینه کارکوونکو د ونډې په زیاتوالي کې هم مرسته کولای شي. اغلي یعقوبي د عدالت د تأمین او د ټولنې په جوړښت کې د ښځو رول ازرښتاک وباله.

د یادونې وړ ده، چې د لویې څارنوالۍ د جنډر ریاست د ښځو د نړیوالې ورځې په مناسبت د مقالې لیکنې یوه لړۍ پيل کړې وه، چې دغه ریاست ته له مرکز او ولایتونو څخه ټولټال ۶۱ مقالې رسېدلې وې. د جنډر ریاست د مقالو د کتنپلاوي په مرسته له ۶۱ مقالو څخه پنځه غوره مقالې وټاکلې، چې لیکوالانو ته یې د غونډې په ترڅ کې ستاینلیکونه هم ورکړل شول.

تازه‌ترین اخبار

یکشنبه ۱۳۹۸/۵/۲۷ - ۱۱:۰
Background image

تعمیر څارنوالی‌های استیناف ولایات خوست و لغمان به بهره‌برداری سپرده شد

 بر بنیاد گزارش معاونت لوی څارنوالی در امور مالی و اداری، کار اعمار ساختمان څارنوالی‌های استیناف ولایات خوست و  لغمان در ۱۸ ماه به گونۀ صد در صد تکمیل شده است. در این گزارش آمده است که. . .

شنبه ۱۳۹۸/۵/۲۶ - ۲۰:۳۶
Background image

پیشرفت کار هشت پروژۀ ساخت و ساز در لوی‌څارنوالی

بر اساس گزارش معاونت لوی څارنوالی در امور مالی و اداری، هشت پروژۀ ساختمانی در سال مالی ۱۳۹۸خورشیدی، در تعمیر لوی څارنوالی واقع دارالامان، اعمار و بخشی از آن، به بهره‌برداری سپرده شده. . .

شنبه ۱۳۹۸/۵/۲۶ - ۱۵:۵۳
Background image

سه پروژۀ ساختمانی لوی څارنوالی، تکمیل و به بهره‌برداری سپرده شد

این پروژه‌ها شامل اعمار سیستم تصفیه خانۀ فاضلاب (دیواتس)، اعمار دروازه‌های ضد گلوله(رزهی)، اتاق حفاظت‌شده (save room) دیوار‌های محافظتی و ترمیم دفاتر کاری څارنوالی استیناف ولایت کابل،. . .

برگشت به صفحه اصلی خبرها