د کابل څرخي پله زندان څخه ۱۲۸ بندیان آزاد شول

ago_admin
Tue, Jun 04 2019 6:49 PM
zindanian

د افغانستان د اسلامي جمهوري دولت لویې څارنوالۍ دا بندیان د جمهوري ریاست د پنځمې ګڼې فرمان له مخې، چې د وړوکي اختر په مناسبت یې د بندیانو د بخښنې او بند مودې کمونې لپاره صادر کړی و، آزاد کړل او د ۱۳۷ نورو د بند موده کمه شوه.

دغه بندیان د جمهوري ریاست د فرمانونو د تطبیق او پر احکامو د تنفیذ او د حبس د بدیل عمومي څارنوالۍ د رئیس محمد اسعد ساپي او نورو غړو، د کابل پله څرخي زندان رئیس پاسوال غلام سنایي ستانکزي او د یاد زندان د ځينو نور غړو په حضور د ۱۳۹۸ کال د غبرګولي پر ۱۴ آزاد شول.

ښاغلي ساپي په دغه پروګرام کې وویل، چې لویې څارنوالۍ تل د هېوادوالو د ازادۍ او انساني کرامت ملاتړ کړی او ورته درناوی لري. نوموړي د خپلو خبرو په دوام سره وویل: «له صادېرېدو سره سم د دغه فرمان تطبیق ښيي، چې د لویې څارنوالۍ رهبري د هېوادوالو انساني کرامت ته درناوي لري.»

asad sapai

ښاغلي ساپي بندیانو ته په اشارې سره وویل، چې هېڅوک له تېروتنې خالي نه دی، مګر د تېرو تېروتنو په تکرار سره باید بیا زندان ته ولاړ نشئ. نوموړي زیاته کړه: «له دې وروسته په ورته فرمانونو کې د هغه چا دوسیې ته پاملرنه نه کېږي، چې د جرم په تکرار سره بیا بندیان شوی وي.»

په ورته مهال کې د څرخي پله د مرکزي زندان رئیس پاسوال غلام سنایي ستانکزي، د فرمانونو د تطبیق کمېسیون له غړو او نورو اړونده مسؤولانو چې د بندیانو د ازادۍ په برخه کې یې نه هېرېدونکې هلې ځلې کړې، مننه وکړه. ښاغلي ستانکزي بندیانو ته په اشارې سره وویل، چې هر څوک په ژوند کې تېروتنې کوي؛ نو تاسو باید په زندان کې له خپل تېر کړي وخت څخه پند واخلئ. نوموړي زیاته کړه: «په زندان کې د تېر شوي وخت انځور مو باید په سترګو کې وي او په راتلونکو کې باید د ناقانونه کړنو څخه ډډه وکړئ.»

له بلې خوا له بند څخه آزادو شویو بندیانو، د زندان د مسؤولانو له چلند څخه خوښي وښوده، چې د دوی پر وړاندې یې هېڅ ډول ناقانونه چلند نه دی کړی.

د یادونې وړ ده، چې دغو بندیانو ته بخښنه او د ځینو د بند موده کې کموالی د یاد فرمان د تطبیق لومړۍ مرحله وه. نورې مرحلې به یې په نږدې راتلونکو کې د هېواد په کچه تطبیق شي.

Latest news

Wed, Feb 05 2020 10:26 AM
Background image

The Attorney General’s Office’s Press Release on Its Commitment to Access to information,

A number of Afghan press agencies expressed their discontent with Afghanistan government agencies and the Attorney General Office for not granting Media full access to information. . .

Mon, Dec 09 2019 9:02 AM
Background image

Attorney General: Humanitarian Culture and Respect for Humanity Is the Core of Our Activities

Saranpoh Mohammad Farid Hamidi, Attorney General of Islamic Republic of Afghanistan in a ceremony held for commemorating “International Day of Persons with Disabilities” said that the. . .

Wed, Dec 04 2019 2:50 AM
Background image

Badghis Mayor Discharged by the Appellate Court of the ACJC

Abdul Qadi Kamran, son of Abdul Ghani, Mayor of Badghis province convicted by the Appellate Court of the Anti-Corruption and Justice Center (ACJC) on the charge of falsification,. . .

BACK TO NEWS