د افغانستان د اسلامي جمهوري دولت لویې څارنوالۍ د رهبرۍ د تسلیت پيغام

Ago
Sat, Jul 06 2019 1:32 PM
logo

بِسْمِ اللّٰهِ الرَّحْمٰنِ الرَّحِيمِ

وَ بَشِّرِ الصَّابِرينَ أَلَّذينَ إِذا أَصابَتْهُمْ مُصيبَةٌ قالُوا إِنَّا لِلَّهِ وَ إِنَّا إِلَيْهِ راجِعُونَ

په ډېره خواشینۍ سره خبر شوو، چې د اداري فساد له لویو جرمونو سره د مبارزې د عدلي او قضایي مرکز د ځانګړې څارنوالۍ  پر دوو کارکوونکو هر یو: ښاغلی څارنوال عبدالقدیر او ښاغلی کریم الله باندې نن د ۱۳۹۸ کال د چنګاښ ۱۵ سهار اووه بجې دندو ته د تګ پر مهال د کابل ښار د پنځمې حوزې اړوند کمپنۍ بازار کې حمله شوې، چې یو کس شهید او بل ټپي شوی دی.

د افغانستان د اسلامي جمهوري دولت د لویې څارنوالۍ رهبري د دغه غموونکې پېښې په مناسبت د خدای بخښلي کورنۍ، خپلوانو  او درنو هېوادوالو ته د تسلیت مراتب وړاندې کوي. شهید ته د خدای له درباره د شهادت لوړې درجې، کورنۍ او خپلوانو ته یې د زره صبر او ټپي ته عاجله شفا غواړي.

د افغانستان د اسلامي جمهوري دولت لویه څارنوالي یو ځل بیا ټینګار کوي، چې ورته ناوړه پېښې به د قانون واکمنۍ او د عدالت د تأمین په برخه کې د لویې څارنوالۍ په کلکه او غښتلې اراده کې کوم بدلون رانه ولي. د لویې څارنوالۍ کارکوونکي په هر ډول شرایطو کې په قوي هوډ او ژمنه د درنو هېوادوالو خدمت ته چمتو دي.

د لویې څارنوالۍ رهبرۍ د ورته شریعت او انسانیت خلاف پېښو د غندنې ترڅنګ د یادې پېښې د جدي څېړنې په موخه له امنیتي او کشفي ادارو سره په ګډه پلاوی ټاکلی، ترڅو د دغې قضیې عاملین وپېژني او د قانون منګولو ته یې وسپاري.

په درناوي

د افغانستان د اسلامي جمهوري دولت لویې څارنوالۍ رهبري

۱۳۹۸ کال د چنګاښ پنځلسمه کابل- افغانستان

Latest news

Tue, Nov 05 2019 8:29 AM
Background image

AGO Examined 60 Cases of Violent against Journalists in Recent Years

The Attorney General Office (AGO) of the Islamic Republic of Afghanistan based on its commitment to supporting freedom of speech and journalists has examined 60 cases of violence. . .

Thu, Oct 31 2019 5:15 PM
Background image

A Memorandum of Understanding was Singed between the AGO and Da Afghanistan Bank

The Purpose of this Memorandum of Understanding (MoU) is to exchange information between the Attorney General’s Office (AGO) of the Islamic Republic of Afghanistan and Da Afghanistan. . .

Sat, Oct 26 2019 9:11 AM
Background image

A Tripartite MoU worth of USD 4.26 million signed between AGO, the Danish Embassy, and UNDP

Attorney General’s Office (AGO) has signed a tripartite Memorandum of Understanding (MoU) for a new project of anti-corruption named “Anti-Corruption, Transparency, Integrity & Openness. . .

BACK TO NEWS