د عدلي او قضایي مرکز د محکمو تالار پرانستل شو

ago_admin
Wed, Jul 24 2019 12:51 PM
فساد اداری

په یاده پرانیستغونډه کې د اداري فساد پر وړاندې د مبارزې په برخه کې د لوی څارنوال مرستیال خواجه عبدالحق احمدي، د سترې محکمې د عالي شورا غړي محمد زمان سنګري، د انګلستان او ډېنمارک سفیرانو، د عدلي او قضايي مرکز رئیسانو او د یاد مرکز ځینو څارنوالانو او قاضیانو ګډون کړی و.

دا تالار د ۱۳۹۸ کال د زمري پر لومړۍ پرانستل شو.

له اداري فساد سره د مبارزې په برخه کې د لوی څارنوال مرستیال خواجه عبدالحق احمدي د یاد تالار په پرانیسته کې وویل، چې د افغانستان د اسلامي جمهوري دولت لویه څارنوالي د اداري فساد پر ضد په جدي او پرکنده توګه مبارزه کوي. د نوموړي په خبره د اداري فساد له لویو جرمونو سره د مبارزې عدلي او قضایي مرکز په یاده مبارزه کې یو ځانګړی موقف او اهمیت لري او زیاته یې کړه، چې د دغه مرکز د بنسټ اېښودو له نېټې څخه تر دې دمه د اداري فساد پر ضد د مبارزې په برخه کې د پام وړ لاسته راوړنې لري.

په ورته مهال کې د سترې محکمې د عالي شورا غړي محمد زمان سنګري، د یاد تالار جوړونه د قانون واکمنۍ او عدالت د ټينګښټ په برخو کې مهمه وبلله او د نړیوالې ټولنې په ځانګړې ډول د انګلستان له هېواد څخه چې د یاد تالار د جوړونې لګښت یې په غاړه اخېستی و، مننه وکړه.

له بلې خوا د اداري فساد له لویو جرمونو سره د مبارزې د عدلي او قضایي مرکز د استیناف محکمې رئیس قاضي انیسې رسولي، د محکمو د تالار جوړونه یو نیک او اغېزناک ګام وباله او ژمنه یې وکړه، چې یاد مرکز به د اداري فساد پر وړاندې په پوره رښتینولۍ سره هڅې وکړي.

د یادونې وړ ده، چې دغه تالار، د مېلمنو د ښه راغلاست سالون او د یاد مرکز اداري دفتر د انګلستان په مالي مرسته جوړ شوي دي.

Latest news

Wed, Feb 05 2020 10:26 AM
Background image

The Attorney General’s Office’s Press Release on Its Commitment to Access to information,

A number of Afghan press agencies expressed their discontent with Afghanistan government agencies and the Attorney General Office for not granting Media full access to information. . .

Mon, Dec 09 2019 9:02 AM
Background image

Attorney General: Humanitarian Culture and Respect for Humanity Is the Core of Our Activities

Saranpoh Mohammad Farid Hamidi, Attorney General of Islamic Republic of Afghanistan in a ceremony held for commemorating “International Day of Persons with Disabilities” said that the. . .

Wed, Dec 04 2019 2:50 AM
Background image

Badghis Mayor Discharged by the Appellate Court of the ACJC

Abdul Qadi Kamran, son of Abdul Ghani, Mayor of Badghis province convicted by the Appellate Court of the Anti-Corruption and Justice Center (ACJC) on the charge of falsification,. . .

BACK TO NEWS