د دفاعي او امنیتي ځواکونو کم او زیات ۱۰۰۰ بندیان له بند څخه آزادېږي

ago_admin
Fri, Aug 09 2019 10:39 AM
jamshid rasooli

د لویې څارنوالۍ ویاند جمشید رسولي، د ۱۳۹۸ کال د زمري پر ۱۷ د حکومت د اطلاعاتو او رسنیو مرکز کې د یوه خبري کنفرانس په ترڅ کې وویل، چې د هېواد د امنیتي او دفاعي ځواکونو کم زیات ۱۰۰۰ بندیان د افغانستان د خپلواکۍ د بېرته اخېستلو په مناسبت له بندخونو څخه آزادیږي.

ښاغلي رسولي په دغه کنفرانس کې وویل، چې د افغانستان اسلامي جمهوري دولت لویه څارنوالي قضیو ته پر رسیدګۍ، د قضیو پر څېړنه او په محکمو کې پر تورنو کسانو د دعوې پر اقامه سربېره، د هېوادوالو له ازادۍ او حقونو دفاع خپل بنسټیز مسؤولیت ګڼي.

د لویې څارنوالۍ ویاند زیاته کړه: «د هېوادوالو آزادۍ او حقونو ته د درناوي په پار د جمهوري ریاست د بخښنې او بند مودې کمونې فرمان له صادرېدو سره سم د هېواد په زندانونو کې تطبیق کېږي. یاده موضوع ښيي، چې په لویه څارنوالۍ کې نوي اصلاحات راغلي او د ورته فرمانونو د تطبیق په برخه کې له نویې کړنلارې کار اخلي.»

د نوموړي په خبره، دا فرمان یوازې د هېواد امنیتي او دفاعي ځواکونو ته (هغه کسان چې د هېواد د خپلواکۍ او بشپړ ساتلو لپاره د دښمن په مقابل کې په زړورتیا سره مبارزې کوي)؛ ځانګړی شوی دی.

د رسولي په خبره، څه موده وړاندې د قانون د حاکمیت او له اداري فساد سره د مبارزې د عالي شورا د مصوبې پر بنسټ، د لویې څارنوالۍ د استازي په مشرۍ د سترې محکمې، مالیې وزارت، کورنیو چارو وزارت، د ملي امنیت د عمومي ریاست، د بشري حقونو د خپلواک کمېسیون او د محبسونو او توقیفخونو د عمومي ریاست له استازو څخه ګډ کمېسیون جوړ شو.

یاد کمېسیون ته دنده ورکړل شوه، ترڅو د هېواد د ۳۴ ولایتونو له ازادۍ محرومو ځایونو کې د ټولو کسانو دوسیې وڅېړي او هغه کسان وپېژني چې د بخښنې وړ دي. د هغه په خبره، د افغانستان د خپلواکۍ د بېرته اخېستلو(د زمري ۲۸) په مناسبت، د هېواد لویې څارنوالۍ جمهوري ریاست ته، د هېواد دفاعي او امنیتي ځواکونو ته د درناوي په پار، چې د هېواد د آزادۍ او خپلواکۍ لپاره د دښمن په مقابل کې د خپلو وینو په قېمت په زړورتیا سره دفاع کوي؛ ځانګړې طرحه وړاندې کړې ده، ترڅو د جمهوري ریاست له مقام څخه د دفاعي او امنیتي ځواکونو د بندیانو د آزادولو په موخه ځانګړی فرمان تر لاسه کړي.

د لویې څارنوالۍ د ویاند په خبره، د هېواد د دفاعي او امنیتي ځواکونو څخه ټولټال یو زره او ۶۰۴ کسان بندیان دي. له یاد شمېر کسانو څخه ۹۴۵ کسان ملي پولیس، ۴۵۵ ملي اردو، ۸۳ د ملي امنیت کارکوونکي او ۱۱۲ نور سرحدي او سیمه ئیز پولیس دي.

نوموړي د خپلو خبرو په دوام سره زیاته کړه: «تمه ده چې د یاد فرمان له مواصلت وروسته به یاد شمېر بندیان آزاد شي.»

د یادونې وړ ده، چې د یاد فرمان له مخې هغه زندانیان آزادیږي، چې بخښنه او د بند موده کمونه یې قانوني بڼه ولري.

Latest news

Wed, Feb 05 2020 10:26 AM
Background image

The Attorney General’s Office’s Press Release on Its Commitment to Access to information,

A number of Afghan press agencies expressed their discontent with Afghanistan government agencies and the Attorney General Office for not granting Media full access to information. . .

Mon, Dec 09 2019 9:02 AM
Background image

Attorney General: Humanitarian Culture and Respect for Humanity Is the Core of Our Activities

Saranpoh Mohammad Farid Hamidi, Attorney General of Islamic Republic of Afghanistan in a ceremony held for commemorating “International Day of Persons with Disabilities” said that the. . .

Wed, Dec 04 2019 2:50 AM
Background image

Badghis Mayor Discharged by the Appellate Court of the ACJC

Abdul Qadi Kamran, son of Abdul Ghani, Mayor of Badghis province convicted by the Appellate Court of the Anti-Corruption and Justice Center (ACJC) on the charge of falsification,. . .

BACK TO NEWS