لویه څارنوالۍ کې د اساسي قانون د تصویب ملي اوونۍ ونمانځل شوه

ago_admin
Wed, Jan 15 2020 10:21 AM
قانون اساسی

لویې څارنوالۍ د اساسي قانون د تصویب ملي اوونۍ، د یادې ادارې د دارالامان ودانۍ د مسلکي زده کړو انستیتوت کې د ۱۳۹۸ کال د مرغومي پر ۲۴ ونمانځله. په دغه غونډه کې د لویې څارنوالۍ سرپرست او د لوی څارنوال د قضایي تعقیب چارو مرستیال ډاکتر غلام حیدر علامه، عسکري چارو کې د لوی څارنوال مرستیال ډګر جنرال عبدالفتاح عزیزي، مالي چارو کې د لوی څارنوال مرستیال وحیدالدین ارغون، د اساسي قانون پر تطبیق د څار خپلواک کمېسیون غړي او منشي قاضي محمد عارف حافظ او د لویې څارنوالۍ ځينو رئیسانو ګډون کړی و.

قضایي تعقیب چارو کې د لوی څارنوال مرستیال ډاکتر علام حیدر علامه په دغه غونډه کې وویل، د افغانستان اساسي قانون یو مهم او ارزښتمند تقنیني سند دی، چې د ډېری قوانینو په رأس کې ځای لري.

ښاغلي علامه د اساسي قانون پر اهمیت ټينګار وکړ او ویې ویل: «اساسي قانون هغه سند دی چې د حکومت پر مشروعیت ټينګار او د افغانستان د خلکو د ټولنیز تړون او ملي مثاق په توګه کار کوي.» د نوموړي په خبره، د اساسي قانون رعایت چې د ټولو قوانینو په سر کې ځای لري، د ټولو خلکو مکلفیت دی.

د ښاغلي علامه پر باور، هغه هېوادونه چې د منظم چلن او له یو فکره برخمن دي، تل په دې هڅه کې دي، چې څه ډول اساسي قانون په ښه توګه په هېواد کې پلی او د اساسي قانون له مخې دولت او ملت په یو منظم تګلوري حرکت وکړي. نوموړي په ټولو چارو کې اساسي قانون ته پاملرنه د پرمختللو هېوادونو د پرمختګ لوی عامل وباله او په خبره یې، لویه څارنوالي تل هڅه کوي، څو په خپلو کړنو کې د اساسي قانون ټول اصول مرعات کړي.

په ورته مهال کې د لوی څارنوال د مالي او اداري چارو مرستیال وحیدالدین ارغون، په دغه پروګرام کې د افغانستان اساسي قانون د سیمې هېوادونو په کچه یو غوره او هراړخیز قانون وباله او ویې ویل: «د افغانستان اساسي قانون د ټولو اتباعو حقوق او وجایب یو شان بیان کړي دي.» ښاغلي ارغون، په ورته ناستو ټينګار وکړ او په دا ډول ناستې یې د اساسي قانون د تطبیق لپاره ګټورې وبللې.

قانون اساسی

له بلې خوا، د اساسي قانون پر تطبیق د څار خپلواک کمېسیون غړي او منشي قاضي محمد عارف حافظ، په دغه پروګرام کې له لویې څارنوالۍ مننه وکړه، چې هر کال د اساسي قانون د تصویب ملي اوونۍ نمانځي. هغه وویل، افغانستان یو له هغه هېوادونو دی چې د سلو کالو راپدې خوا اساسي قانون لري او دا قانون یې د هېواد لویه معنوي سرمایه وبلله. ښاغلي حافظ د خپلو خبرو په دوام سره زیاته کړه: «د اساسي قانون پر تطبیق د څار کمېسیون مسؤول دی څو په ټولو دولتي او نادولتي ادارو کې د اساسي قانون د تطبیق او نقض وڅېړي او پایلې او لاسته راوړنې یې د راپور په شکل ولسمشر ته وړاندې کړي.»

قانون اساسی

همداراز د لویې څارنوالۍ د مسلکي زده کړو انستیتوت رئیس ډاکتر عزیز الله فصیحی په دغه پروګرام کې په اساسي قانون کې د عدلي او قضایي بنسټونو پر موقف خبرې وکړې او ویې ویل: «عدلي او قضایي بنسټونه د اجرایې قوې یوه برخه او په خپلو کړنو کې خپلواکه ده.» د نوموړي په باور، د محاکمه یي سیسټم له مخې، عدلي او قضایي بنسټونه د مختلط محاکماتي نظام تابع دي.

د یادونې وړ ده، چې د اساسي قانون د تصویب ملي اوونۍ په ولایتي استیناف څارنوالیو کې هم ونمانځل شوه او په غونډو کې یې د اساسي قانون د رعایت او په ټولنه او دولت کې د هغه پر اهمیت خبرې شوې دي.

Latest news

Wed, Feb 05 2020 10:26 AM
Background image

The Attorney General’s Office’s Press Release on Its Commitment to Access to information,

A number of Afghan press agencies expressed their discontent with Afghanistan government agencies and the Attorney General Office for not granting Media full access to information. . .

Mon, Dec 09 2019 9:02 AM
Background image

Attorney General: Humanitarian Culture and Respect for Humanity Is the Core of Our Activities

Saranpoh Mohammad Farid Hamidi, Attorney General of Islamic Republic of Afghanistan in a ceremony held for commemorating “International Day of Persons with Disabilities” said that the. . .

Wed, Dec 04 2019 2:50 AM
Background image

Badghis Mayor Discharged by the Appellate Court of the ACJC

Abdul Qadi Kamran, son of Abdul Ghani, Mayor of Badghis province convicted by the Appellate Court of the Anti-Corruption and Justice Center (ACJC) on the charge of falsification,. . .

BACK TO NEWS