د ارزګان د استیناف څارنوالۍ ریاست ودانۍ د جوړېدو چارې پېل شوې

ago_admin
Thu, Jan 30 2020 12:19 PM
arozgan

دغه ودانۍ چې تمه ده په درییو پوړونو کې د لویې څارنوالۍ د پراختیایي بودیجې په مټ جوړه شي، د ۱۳۹۸ کال د سلواغي پر نهمه یې د بنسټ ډبره کېښودل شوه.

په دغو مراسمو کې د لویې څارنوالۍ مالي او اداري چارو مرستیال وحیدالدین ارغون، د ارزګان والي محمدشفیق اسدالله سعید، په ولسي جرګه کې د دغه ولایت استازې ګلالۍ محمدي، د لویې څارنوالۍ د خدماتو رییس محمدآصف فیاض، د یاد ولایت امنیتي مسؤولانو، د ولایتي شورا ځینو غړو او قومي مشرانو ګډون کړې و.

د لویې څارنوالۍ مالي او اداري چارو مرستیال وحیدالدین ارغون، په دغه غونډه کې د ولایتي ادارو تر منځ پر همغږۍ ټینګار وکړ او زیاته یې کړه، چې د دغه ولایت د ولایتي ادارې او عدلي او قضایي ارګانونو تر منځ د کارونو د پر مخ بیولو په موخه ښه همغږي وجود لري. هغه د خپلو خبرو په دوام سره زیاته کړه:« د اصلاحاتو راوستل او له اداري فساد سره مبارزه د یادې ادارې بسټیزه موخه ده.» د نوموړي په خبره، د کارکوونکو ظرفیت لوړونه د لویې څارنوالۍ کاري لومړیتوب دی او دا اداره هڅه کوي، د قانون واکمنۍ او د عدالت تأمینولو په موخه، د روزنیزو پروګرامونو په جوړولو سره د دغې ادارې د کارکوونکو او څارنوالانو ظرفیت لوړ کړي.

ښاغلي ارغون زیاته کړه، چې دغې ادارې په ۱۳۹۸ مالي کال کې د لغمان، کاپیسا، خوست او دایکندي استیناف څارنوالیو ودانۍ ګټې اخیستنې سپارلي او د ځینو نورو ولایتونو د استیناف څارنوالیو لپاره یې د ودانې جوړېدو چارې پېل کړې دي. هغه د خپلو خبرو په دوام سره وویل، چې د ارزګان استیناف څارنوالۍ اداري ودانۍ به په درییو پوړونو کې د ۱۷ اداري خونو په درلودو سره جوړه او په بشپړیدو به یې د یاد ولایت د استیناف څارنوالۍ ریاست د ځای ستونزه هواره شي.

همداراز د ارزګان والي محمدشفیق اسدالله سعید، د دغه ولایت استیناف څارنوالۍ ریاست له کړنو خوښي وښوده او زیاته یې کړه، چې یاد ریاست د عدالت د تأمینولو په برخه کې د پام وړ لاسته راوړنې لري.

له بلې خوا د لویې څارنوالۍ مالي او اداري چارو مرستیال په مشرۍ پلاوي، قندهار ولایت ته هم لاړ او هلته یې د یاد ولایت له مرستیال والي سره د هغه په کاري دفتر کې ولیدل. ښاغلي ارغون له مرستیال والي سره په لیدنه کې د خپل سفر موخه په یاد ولایت کې د استیناف څارنوالیو د کړنو ارزونه وبلله.

qandahar

ښاغلي ارغون په دغې لیدنه کې ډاډ ورکړ، چې د قندهار د استیناف څارنوالیو د اداري ودانۍ تر څنګ به د یاد ولایت د درییو ولسوالیو ابتداییه څارنوالیو د تعمیرونه جوړېدو ته هم په نږدې راتلونکي کې بودیجه ځانګړې کړي.

د قندهار مرستیال والي عبدالحنان منیب، په دغې لیدنه کې یاد پلاوي ته د همکارۍ ډاډ وکړ او د ستونزو د هوارۍ په موخه یې له راغلي پلاوي غوښتنه وکړه، چې د یاد ولایت استنیاف څارنوالیو اداري ودانیو جوړېدو لپاره د بودیجې په برخه کې همکاري وکړي.

Latest news

Wed, Feb 05 2020 10:26 AM
Background image

The Attorney General’s Office’s Press Release on Its Commitment to Access to information,

A number of Afghan press agencies expressed their discontent with Afghanistan government agencies and the Attorney General Office for not granting Media full access to information. . .

Mon, Dec 09 2019 9:02 AM
Background image

Attorney General: Humanitarian Culture and Respect for Humanity Is the Core of Our Activities

Saranpoh Mohammad Farid Hamidi, Attorney General of Islamic Republic of Afghanistan in a ceremony held for commemorating “International Day of Persons with Disabilities” said that the. . .

Wed, Dec 04 2019 2:50 AM
Background image

Badghis Mayor Discharged by the Appellate Court of the ACJC

Abdul Qadi Kamran, son of Abdul Ghani, Mayor of Badghis province convicted by the Appellate Court of the Anti-Corruption and Justice Center (ACJC) on the charge of falsification,. . .

BACK TO NEWS