د لویې څارنوالۍ د عالي شورا فوق العاده غونډه وشوه

Hussain_admin
Tue, Jun 08 2021 3:50 PM
ago

د لویې څارنوالۍ عالي شورا غونډه د افغانستان اسلامي جمهوري دولت لویې څارنوالۍ سرپرست محترم ذبیح الله کلیم په مشرۍ او د دغې غونډې د ګډونوالو په حضور نن د ۱۴۰۰ لمریز کال د غبرګولي پر ۱۸ وشوه.

دا غونډه د قرآن کریم په تلاوت او د هېواد ملي سرود په خپراوي پيل شوه.

په پيل کې ښاغلي ذبیح الله کلیم د هغې کمېټې چې د څارنوالۍ د تشکیل او واکونو قانون په طرح او تدوین يې کې زیار ګاللی مننه وکړه او دا ګام يې د قانون د تحکیم او د عدالت د تأمین په برخه کې د موثرو اجرااتو لپاره ضروري اړتیا وبلله.

ښاغلي کلیم د قانون پر یوشان تطبیق او د عدالت پر تأمین ټینګار وکړ او زیاته یې کړه، له قانون سره سم باید د عدالت د تأمین او د قانون د پلي کولو لپاره هڅه او هاند وشي.

د یادې شوې غونډې په لومړۍ برخه کې د څارنوالۍ د تشکیل او واکونو قانون پر طرحې بحث وشو.

د عالي شورا غړو، تر هراړخیز بحث وروسته د لویې څارنوالۍ د تشکیل او واکونو قانون په پرنسیب کې تأیید کړ او د لويې څارنوالۍ د ارشد مشاور څارنپوه نور حبیب جلال، مرسیتالانو، د عدلي او قضايي مرکز د ځانګړې څارنوالۍ، له کورني او بهرني جرمونو پر ضد د مبارزې، له نشه يي توکو سره د مبارزې، د تدقیق او مطالعاتو، کورني تفتیش او کنټرول او مراقبت د رئيسانو او د مشاورینو د بورډ په غړیتوب يې یوې کمېټې ته دنده وسپارله، چې د څارنوالیو ریاستونو د نظریاتو تر اخیستلو وروسته د لویې څارنوالۍ د تشکیل او واکونو قانون مسوده دې طی مراحل کړي.

په دې غونډه کې تصمیم ونیول شو، چې د عدليې وزارت یو باصلاحیته استازی هم دغې کمېټې ته راوبلل شي، تر څو د دغه وزارت نظریات او وړاندیزونه هم د لویې څارنوالۍ د تشکیل او واکونو د قانون په تړاو راوخیستل شي.

د غونډې په دویمه برخه کې، د هغو قضیو د طی مراحل په تړاو چې د تحقیق پلاوي د څېړنې په پایله کې د داري فساد د لویو جرمونو پر ضد د مبارزې عدلي او قضايي مرکز له خوا د جزايي دعوا اقامې پر حفظ یا عدم لزوم نظر وړاندې کېږي، بحث وشو.

د عالي شورا غړو په دې تړاو تر بحث وروسته د هغه ریاست وړاندیز او غوښتنه د لویې څارنوالۍ د تشکیل او واکونو قانون تر تصویب پورې تائيد کړه.

دا ناسته په هېواد کې د سرتاسري سولې د غوښتلو په دعایيې پای ته ورسېدله.

Latest news

Wed, Feb 05 2020 10:26 AM
Background image

The Attorney General’s Office’s Press Release on Its Commitment to Access to information,

A number of Afghan press agencies expressed their discontent with Afghanistan government agencies and the Attorney General Office for not granting Media full access to information. . .

Mon, Dec 09 2019 9:02 AM
Background image

Attorney General: Humanitarian Culture and Respect for Humanity Is the Core of Our Activities

Saranpoh Mohammad Farid Hamidi, Attorney General of Islamic Republic of Afghanistan in a ceremony held for commemorating “International Day of Persons with Disabilities” said that the. . .

Wed, Dec 04 2019 2:50 AM
Background image

Badghis Mayor Discharged by the Appellate Court of the ACJC

Abdul Qadi Kamran, son of Abdul Ghani, Mayor of Badghis province convicted by the Appellate Court of the Anti-Corruption and Justice Center (ACJC) on the charge of falsification,. . .

BACK TO NEWS