لویه څارنوالۍ کې د ورستیو شهیدانو د روح د خوشحالۍ لپاره د قران کریم ختم وشو

Ago
Wed, Nov 20 2019 3:47 PM
khatm

دا مراسم د لویې څارنوالۍ د وروستیو شهیدانو د درناوي په پار چې په مرکز او ولایتونو کې په شهادت رسېدلي و، د ۱۳۹۸ کال د لړم پر ۲۹ د لویې څارنوالۍ دارلامان ودانۍ په جومات کې ترسره شول.

په دغو مراسمو کې د افغانستان اسلامي جمهوري دولت لوی څارنوال څارنپوه محمد فرید حمیدي، د لویې څارنوالۍ مرستیالانو، رئیسانو او د یادې ادارې یو شمېر کارکوونکو ګډون کړی و.

د هېواد لوی څارنوال څارنپوه محمد فرید حمیدي په دغه پروګرام کې وویل، چې د څو وروستیو اونیو په ترڅ کې زموږ یو شمېر همکاران او دوستان په هدفي ډول شهیدان او ټپیان شوی دي. ښاغلي حمیدي د شهیدانو د کورنیو زغم او استقامت ته په درناوي سره زیاته کړه: «کله چې د خپلو کارکوونکو د شهادت خبر اورم او له کورنیو سره یې اړیکه نیسم، ګورم چې کورنۍ یې په پوره حوصله، زغم، او عظمت سره ویاړي، چې د کورنۍ یوه غړي یې د هېوادوالو د خدمت او د عدالت د ټینګښت په برخه کې خپل ځان له لاسه ورکړی او په شهادت رسېدلی، واقعا د دوی زغم، حوصله او ویاړنه د درناوي وړ ده. د دوی دا روحیه موږ ته توان راکوي، چې له هېوادوالو سره خپلې کړیې ژمنې پوره کړو.» د ښاغلي حمیدي په خبره، د دغې ادارې د کارکوونکو شهادت د عدالت د ټينګښت، د قانون واکمنۍ او له ظالم څخه د مظلوم د حق اخېستنې له امله دی.

khatm

ښاغلي حمیدي د خپلو خبرو په دوام سره زیاته کړه: «د یادې ادارې د کارکوونکو شهیدانول، خلکو ته د خدمت کولو په برخه کې د دغې ادارې ټينګ عزم او هوډ ته زیان نشي اړولای او موږ هم د عدالت د پلي کولو او د قانون د واکمنۍ لپاره په کلکه ولاړ یو.» د ښاغلي حمیدي په خبره، د لویې څارنوالۍ مسؤولیت عدالت کړل دي، احساسات، کینه او غوسه د یادې ادارې په تصمیم نیونه کې ځای نلري.

د هېواد د لوی څارنوال په باور، دا یوه باورمنده، غیرسیاسي، خپلواکه او بې پرې اداره ده، چې تګلاره او سیاست یې پر عدالت ولاړ دي. د نوموړي په خبره، د دغې ادارې د کارکوونکو د امنیت د ټینګښت او خوندیتوب لپاره جدي هڅې ترسره شوې او په دې برخه کې تل له امنیتي مسؤولانو سره همغږي او په اړیکه کې دي. د هغه په خبره، د یادې ادارې د کارکوونکو د امنیت د ټینګښت لپاره د یادې ادارې د عالي شورا فوق العاده ناسته هم شوې ده او د کارکوونکو د خوندیتوب لپاره به له ټولو هغه امکاناتو چې په لاس کې یې لري ګټه واخلي.

Latest news

Mon, Dec 09 2019 9:02 AM
Background image

Attorney General: Humanitarian Culture and Respect for Humanity Is the Core of Our Activities

Saranpoh Mohammad Farid Hamidi, Attorney General of Islamic Republic of Afghanistan in a ceremony held for commemorating “International Day of Persons with Disabilities” said that the. . .

Wed, Dec 04 2019 2:50 AM
Background image

Badghis Mayor Discharged by the Appellate Court of the ACJC

Abdul Qadi Kamran, son of Abdul Ghani, Mayor of Badghis province convicted by the Appellate Court of the Anti-Corruption and Justice Center (ACJC) on the charge of falsification,. . .

Tue, Dec 03 2019 10:04 AM
Background image

ACJC sentenced five Including Ex-Governor of Khost

Ex-governor of Khost, Hokam Khan Habibi, son of Mullah Jan, Khost Mayor, Abdul Basir Mohammadzai son of Abdul Wakil, Esmatullah son of Mohammad Nawaz, Head of Finance and Admin of Khost. . .

BACK TO NEWS