د لویې څارنوالۍ عالي اداره

د افغانستان د اسلامي جمهوري دولت لویه څارنوالۍ، د هېواد د اساسي قانون د ۱۳۴مه مادې له مخې، د اجرائیه ځواک برخه ده او په خپلو کړنو کې خپلواکه او د قانون د احکامو تابع ده. د جرمونو څېړنه او په محکمه کې د تورن په وړاندې د دعوې اقامه، د دغې ادارې بنسټیزې دندې جوړوي. د افغانستان د ا سلامي جمهوري دولت د دلویې څارنوالۍ رهبري، ډاډ درکوي چې د هېواد د نافذه قوانینو په رعایت سره به د افغانستان د وګړو له حقونو او ازادیو څخه دفاع وکړي، چې له اسلامي ارزښتونو، حقونو او ازادیو، انساني کرامت او د وګړو بشري حقونو ته درناوی او ترې دفاع، د لویې څارنوالۍ یو له کاري لومړیتوبونو څخه ګڼل کېږي. دا اداره د افغانستان د وګړو له حقونو څخه د دفاع په خاطر، ټولې قضایاوې په قاطعیت، استقلالیت او بشپړې بې پلوې او د عدالت او انصاف په رعایت سره څېړي او د اسنادو، شواهدو او مدارکو له مخې تصمیم نیسي.

د افغانستان اسلامي جمهوري دولت د لوی څارنوال پیغام

2 میاشتې مخکې

بِسْمِ اللّٰهِ الرَّحْمٰنِ الرَّحِيمِ

د افغانستان اسلامي جمهوري دولت لویې څارنوالۍ بنسټ د هېواد د اساسي قانون په ۱۳۴ ماده او د لویې څارنوالۍ د واک او تشکیل قانون په څلورمه ماده کې په واضح ډول څرګند شوی دی.

د لویې څارنوالۍ ټولې دندې(د جرمونو عمومي څېړنه، د جزایي اقامې دعوا او په محکمو کې پر تورنو د همدې دعوا تعقیب، چې د هېواد د نافذه قوانینو په رعایتونې سره یې تر سره کوي، واضح شوي دي.

د افغانستان اسلامي جمهوري دولت لویه څارنوالي، د اسلامي ارزښتونو ساتنه، د افغانستان د خلکو فردي خپلواکي او د هغوی د حقونو ساتنه او په هېواد کې د قانون حاکمیت او د عدالت تأمین، خپل اساسي لومړیتوبونه ګڼي. یاده شوې اداره د جرمونو څېړنه او پر تورن د دعوا اقامه بې له قومي، ژبنيو، حزبي او سمتي مسائېلو په جدي او خپلواکه توګه څېړي او هېچا ته به اجازه ورنکړې، چې د یادې شوې ادارې په چارو کې لاسوهنه وکړي. د قضیو په څېړنه کې د لویې څارنوالۍ د اجرااتو معیار یوازې شته اسناد، مدارک او د قانون احکام بلل کیږي. دغې ادارې په دې وروستیو کلونو کې یاده شوې مسله هېوادوالو ته په عملي توګه ثابته کړې ده. نور ولولئ . . .

محمد فرید حمیدی
333

تازه خبرونهنور دلته

چهارشنبه ۱۳۹۹/۸/۲۸ - ۱۰:۴۳
Background image

د بشري ټولنې ثبات او بقا پر عدالت او د قانون پر حاکمیت ولاړه ده

د تحقیق په چارو کې د لوی څارنوال مرسیتال فرید احمد غوري دا خبره د هرات د مدني ټولنې، د ولایتي شورا د غړو او د دغه ولایت له قومي مشرانو سره په غونډه کې وکړه . . .

دوشنبه ۱۳۹۹/۸/۲۶ - ۱۱:۲۹
Background image

په لویه څارنوالي کې د حقوقي تحقیقاتو لومړۍ غونډه وشوه

دا غونډه «د جرمونو تکرار او تعدد» په سرلیک په قضايي چارو کې د لوی څارنوال مرستیال ډاکټر غلام حیدر علامه له خوا د ۱۳۹۹ لمریز کال د لړم پر لومړۍ د دغې ادارې ځینو څارنوالانو ته دایره شوه .. . .

دوشنبه ۱۳۹۹/۸/۲۶ - ۱۱:۲۶
Background image

لویې څارنوالۍ د پانګوالو او د خصوصي سکتور د غړو د اختتاف ۹۶۸ قضيې ثبت او رسیدګي کړې

د افغانستان اسلامي جمهوري دولت لویه څارنوالۍ په وروستیو درېيو کلونو کې دا قضيې د کورني او بهرني امنیت د جرمونو پر ضد د مبارزې څارنوالۍ له خوا د خصوصي سکتور او پانګوالو د ملاتړ لپاره. . .

ولایتي خبرونهنور دلته

سه‌شنبه ۱۳۹۹/۹/۴ - ۱۱:۵۷

د خوست استیناف څارنوالۍ کې دوه ورځنی روزنیز پروګرام پای ته ورسېد

د خوست استیناف څارنوالۍ د دوامداره روزنیزو پروګرامونو لړۍ په دوام سره دغه پروګرام د خوست استیناف څارنوالۍ، عسکرۍ او د کورنیو او بهرنیو جرمونو پر وړاندې د مبارزې څارنوالیو ۲۵ څارنوالانو. . .

یکشنبه ۱۳۹۹/۹/۲ - ۱۳:۰

په سرپل کې د کارکوونکو د ظرفیت لوړاوي پروګرام ترسره شو

دا پروګرام د مسلکي زده کړو د انستیتیوت په همکارۍ د دغه ولایت د استیناف څارنوالۍ له خوا د سرپل د ملکي، له کورنیو او بهرنیو جرمونو سره د مبارزې او عسکري برخې ۲۵ څارنوالانو ته جوړ شوی و .. . .

دوشنبه ۱۳۹۹/۸/۲۶ - ۱۴:۲۳

د نیمروز استیناف څارنوالۍ د ۱۳۹۹ لمریز کال په تلې میاشت کې ۶۰ قضیو ته رسیدګي کړې ده

په دغو ۶۰ قضیو کې ۲ د قتل ، ۸ د غلا، ۲۰ د نشه يي توکو، ۹ د ترافیکي جرمونو، ۷ هم له ښځو سره د تاوتریخوالي او د ماشومانو د سرغړاوي جرمونو او ۱۴ نورې یې بیا د نورو جرمونو اړوند دي . . .

راپورونهنور دلته

چهارشنبه ۱۳۹۸/۲/۲۵ - ۹:۵۸
Background image

لویې څارنوالۍ په ۱۳۹۷ لمریز کال کې ۴۱۶۵۸ قضیې څېړلې دي

د افغانستان د اسلامي جمهوري دولت لویې څارنوالۍ د ۱۳۹۷ کال خپل د اجرااتو راپور د ۱۳۹۸ کال د غویي پر دویمه (ملت ته د حکومت د ځواب وېینې) په کنفرانس کې وړاندې کړ . . .

عکسونه او ویډیوګانېنور دلته

د ښځو پر وړاندې د زورزیاتي د مخنیوي د ۱۶ ورځني کمپاین په تړاو د افغانستان د اسلامي جمهوري دولت د لوی څارنوال محمد فرید حمیدي پیغام

د هېواد د خپلواکۍ د بېرته اخېستلو د سلمې کلیزې په ویاړ د افغانستان د اسلامي جمهوري دولت د لوی څارنوال څارنپوه محمد فرید حمیدي پیغام

د لویې څارنوالۍ فعالیتونه د انځورونو له مخې

د اداري فساد پر ضد د لوی څارنوال پیغام

لوی څارنوال د عدالت، ښې حکومتولۍ او تلپاتې پرمختګ په کنفرانس کې