د افغانستان د خلکو ازادي او خپلواکي غوښتنه، د خپلواکۍ او ازادۍ غوښتنې په موخه د ډېری هېوادونو د مبارزې پېلامه وه

ago_admin
چهارشنبه ۱۳۹۸/۵/۱۶ - ۱۴:۲۸
فرید حمیدی

د افغانستان اسلامي جمهوري دولت لوی څارنوال څارنپوه محمد فرید حمیدي، د « پېچلو قضیو د ارزونې) په روزنیز پروګرام کې وویل، چې د خلکو اتفاق، اتحاد او یووالی د یو خپلواک افغانستان د نېکمرغۍ او بریالیتوب لار ده. په دغه پروګرام کې، چې د ۱۳۹۸ کال د زمري پر ۱۵ د مسلکي زده کړو انستیتوت په تالار کې جوړ شوی و، د لوی څارنوال مرستیالانو، د مرکزي څارنوالیو او د ولایتي استیناف څارنوالیو رئیسانو ګډون کړی و.

ښاغلي حمیدي، د افغانستان د خپلواکۍ د بېرته اخېستلو د سلمې کلیزې د مبارکۍ تر څنګ، دا خپلواکي او ازادي د افغانستان د غیرتي ولس د سرښندنو او قربانیو پایله وګڼله او د افغانستان د خلکو ازادي او خپلواکي غوښتنه یې، د خپلواکۍ او ازادۍ غوښتنې په موخه د ډېری هېوادونو د مبارزې پېلامه یاده کړه. نوموړي همداراز زیاته کړه: «موږ یو بې وسه ملت یو؛ خو ازادي غوښتونکي، غیرتمند او سرلوړي، چې د ازادۍ غوښتنې لپاره هر قیمت ته چمتو یو.»

د ښاغلي حمیدي په خبره، د افغانستان غیرتمند ولس ۱۰۰ کاله وړاندې په یو غږ د غازي امان الله خان تر مشرۍ لاندې وتوانېد، چې له انګریزانو خپله خپلواکي ترلاسه کړي.

نوموړي ټينګار وکړ، چې په اوسنیو شرایطو کې یوازې د خلکو یووالی کولای شي، یوه تلپاتې سوله رامنځته او هېواد له شته ناامنیو او دسیسو وژغوري.

تازه خبرونه

شنبه ۱۴۰۰/۵/۹ - ۱۲:۴۶
Background image

ننګرهار استیناف څارنوالۍ د ۱۴۰۰ مالي کال په دویمه ربع کې ۸۹۸ قضيې ثبت او رسېدنه ورته کړې

د ننګرهار استیناف څارنوالۍ ریاست ۸۹۸ قضیې د هېواد د نافذه قوانینو په رڼا کې ثبت او رسیدګي کړې دي.

شنبه ۱۴۰۰/۵/۹ - ۸:۲۵
Background image

د افغانستان درې رنګه بیرغ؛ د افغانانو رښتینی سمبول دی

د لويې څارنوالۍ سرپرست محترم ذبیح الله کلیم د زمري د اوومې، د افغانستان د ملي بیرغ ورځ، د نمانځنې په غونډه کې وویل، چې د افغانستان درې رنګه بیرغ د افغانانو هویت دی او بیرغ د هېوادونو د. . .

پنجشنبه ۱۴۰۰/۵/۷ - ۸:۶
Background image

د ۱۴۰۰ مالي کال په لومړۍ ربع کې له ښځو سره د تاوتریخوالي د ۱۴۶۴ قضیو بررسي

لویې څارنوالۍ د ۱۴۰۰ مالي کال له پيل څخه د ۱۴۰۰ لمریز کال تر غويي میاشتې پورې ۱۴۶۴ قضيې چې له مخې يې ۱۶۲۶ کسان تورن دي، بررسي کړې دي.

BACK TO NEWS