د جنډر په هکله د پوهاوي روزنیز پروګرام جوړ شو

ago_admin
پنجشنبه ۱۳۹۹/۶/۱۳ - ۱۶:۱۴
gender

دغه دوه ورځنی پروګرام د لویې څارنوالۍ له ښځو د ملاتړ ریاست لخوا د ملل متحد پراختیا ادارې(UNDP) په ملاتړ د ۱۳۹۹ لمریز کال د وږي پر دولسمه او دیارلسمه د کورني او بهرني امنیت پر ضد د مبارزې څارنوالۍ عمومي ریاست شلو کارکوونکو ته جوړ شوی و.

د کورني او بهرني امنیت پر ضد د مبارزې څارنوالۍ عمومي رییس شمس الله احمدزي په دغې غونډه کې د لویې څارنوالۍ له ښځو ملاتړ ریاست څخه د دغه روزنیز پروګرام د جوړیدو مننه وکړه او دا یې د کارکوونکو د ظرفیت لوړاي برخه کې مهم ګام وګاڼه. ښاغلي احمدزي زیاته کړه:« د جنډر او د ښځو او ماشومانو د زورونې د مخنیوي قانون څخه پوهاوی د دغې ادارې کارکوونکو ته اړین دی او دا د قانون د غوره تطبیق لپاره مرسته کوي.»

هغه د خپلو خبرو په دوام سره زیاته کړه، چې د لویې څارنوالۍ د رهبرۍ پلاوی د دغې ادارې د کارکوونکو د ظرفیت لوړاوي په موخه هڅه کوي او افغانانو ته د غوره خدماتو وړاندې کولو ته ژمن دی. هغه دغه پروګرام ګډونوالو ته یو فرصت وګاڼه او له هغو یې وغوښتل، ترڅو په هغو موضوعاتو چې دلته پوهاوی ترلاسه کوي، په خپله کاري ساحه کې یې پلي کړي.

gender

د کورني او بهرني امنیت پر ضد د مبارزې څارنوالۍ عمومي رییس، د عدلي او قضایي ادارو کارکوونکو ته د نافذه قوانیو پر پوهاوي ټینګار وکړ او د دغې ادارې له ښځو د ملاتړ ریاست څخه یې غوښتنه وکړه، تر څو دغسې روزنیز پروګرامونه د دغې ادارې نورو کارکوونکو ته هم جوړ کړي.

له بلې خوا د لویې څارنوالۍ له ښځو د ملاتړ(جنډر) ریاست رییسې، د دغه روزنیز پروګرام موخه د جنډر د مفاهیمو، جنډر ته د ځوابویونکې بودجې او د ښځو او ماشومانو د زورونې د مخنیوي قانون په هکله پوهاوی وباله. د میرمن حیدري په خبره دغه یو روزنیز پروګرام دی او له ګډونوالو یې وغوښتل ترڅو یاد پروګرام کې فعاله ونډه واخلي.

میرمن حیدري د خپلو خبرو په دوام سره زیاته کړه:« دغه ریاست هڅه کوي ترڅو دغه ډول روزنیز پروګرامونه د نورو ریاستونو کارکوونکو ته هم وغځوي.» هغې همداراز د ملل متحد پراختیا ادارې(UNDP)، څخه هم مننه وکړه، چې له دغه پروګرامه یې ملاتړ کړی دی.

د یادونې وړ ده، چې د لویې څارنوالۍ له ښځو د ملاتړ ریاست څه موده مخکې د لوګر، کاپیسا، پروان، میدان وردګ او پنجشیر ولایتونو د استیناف څارنوالیو شلو کارکوونکو ته او همدا راز یې د  لویې څارنوالۍ د ښځو د زورونې د مخنیوي څارنوالۍ عمومي ریاست شلو کارکوونکو ته د جنډر او د ښځو او ماشومانو د زورونې د مخنیوي قانون په هکله د پوهاوي روزنیز پروګرام جوړ کړې و.

تازه خبرونه

دوشنبه ۱۳۹۹/۷/۲۸ - ۱۶:۳۷
Background image

د تحقیق په چارو کې د لويې څارنوالۍ مرستیالۍ د دغه ادارې له اووه ګونو زونونو سره د همغږۍ غونډه وکړه

د تحقیق په چارو کې د لوی څارنوال مرستیال فرید احمد غوري د دغې ادارې له اووه ګونو زنونو او له ښځو سره د تاوتریخوالي او ماشومانو د سرغړاوي د مخنیوي څارنوالۍ او د تحقیق څارنوالۍ ریاستونو. . .

شنبه ۱۳۹۹/۷/۲۶ - ۱۶:۲۱
Background image

له حکمي او حقیقي پوروړو د دولت خزانې ته په درېیو ورځو کې څه باندې لس میلیونه افغانۍ راټولې شوې

له حکمي او حقیقي اشخاصو د دولت د پورونو د حصول کمېسیون د غړو په ناسته کې د ښارجوړونې وزارت د عوایدو رئيس د دولت خزانې ته د لس میلیونه، ۵۲۹ زره او پنځه سوه افغانیو د راټولو خبر ورکړ.

دا. . .

سه‌شنبه ۱۳۹۹/۷/۲۲ - ۱۲:۹
Background image

د نورم او ستندرد ادارې سرپرست د ۱۰۰ زره امریکايي ډالرو د رشوت اخیستلو په تور په ۱۶ کاله حبس او د دندې پر انفصال په مجازاتو محکوم شو

د نورم او ستندرد ریاست سرپرست محمد موسی علمي، تخنیکي مرستیال جاوید صدیقي او د دغې ادارې د ارزونې ریاست سرپرست احسان الله حیات د سل زرو امریکايي ډالرو د رشوت اخیستلو په تور د ۱۳۹۹ لمریز. . .

BACK TO NEWS