د محمداغې ولسوال پر لس کاله او شپږو میاشتو بند محکوم شو            

ago_admin
دوشنبه ۱۳۹۸/۱۱/۲۱ - ۱۳:۱۹
غدلی و قضایی

د اداري فساد له لویو جرمونو سره د مبارزې عدلي او قضايی مرکز استیناف محکمې، د ۱۳۹۸ کال د سلواغې پر ۲۱ د لوګر ولایت د محمداغې ولسوال نورمحمد د طلامحمد زوی، د ۱۸ میلونه افغانیو رشوت اخېستنې په تور محاکمه کړ.

د مؤظف څارنوال د صورت دعوې پر بنسټ، د محمداغې ولسوال د یو زر او ۸۰۰ جریبه ځمکې پر سر د محمداغې ولسوالۍ له اوسېدونکي دولت خان د حسین خان له زوی څخه چې د دغې ځکمې وارث بلل کېږي، د هر جریب په بدل کې د لس زره افغانو رشوت چې ټولې ۱۸ میلونه افغانۍ کېږي، غوښتنه کړې ده.

د قضیې مؤظف څارنوال، د څېړنو تر بشپړاوي، د صورت دعوې له ترتیب او د یاد تور د سپیناوي لپاره د اسنادو، شواهدو او مدارکو تر راوړنې وروسته د قضايي ناستې له پلاوي غوښتي، چې یاد تورن ته د جزا کود د ۳۷۰ ، ۳۸۵ او ۳۷۵ مادې د دویمو فقرو او ۳۷۱ مادې شپږمې فقرې له مخې سزا ورکړي.

د اداري فساد له لویو جرمونو سره د مبارزې عدلي او قضايي مرکز د ابتدايي محکمې قضايي پلاوي، د مؤظف څارنوال د صورت دعوې او د ۱۸ میلونه افغانیو رشوت اخېستنې په تور د محمد اغې د ولسوال د دفاعیې په پام کې نیولو سره نوموړی د جزا کود د ۳۸۵ مادې لومړۍ فقرې، ۳۷۵ مادې دویمې فقرې او ۳۷۱ مادې لومړۍ فقرې د شپږم بند له مخې، پر لس کاله تنفیذي بند، د رشوت برابر په ۱۸ میلیونه نغدي سزا او د دندې پر انفصال محکوم کړ.

د یادونې وړ ده، چې نوموړی د ادارې فساد له لویو جرمونو سره د مبارزې عدلي او قضايي مرکز ابتدایه محکمې له خوا هم پر لس کاله تنفیذي بند، د رشوت برابر پر ۱۸ میلیونه نغدي جزا او د دندې پر انفصال محکوم شوی و.

تازه خبرونه

پنجشنبه ۱۳۹۹/۴/۲۶ - ۱۵:۴۸
Background image

د تحقیق په چارو کې د لویې څارنوالۍ مرستیال د دغې ادارې د تدقیق او مطالعاتو عمومي ریاست څخه لیدنه وکړه

د تحقیق په چارو کې د لویې څارنوالۍ مرستیال فریداحمد غوري، د ۱۳۹۹ لمریز کال د چنګاښ پر پنځه ویشتمه د دغې ادارې د تدقیق او مطالعاتو عمومي ریاست له بېلابېلو برخو څخه لیدنه وکړه . . .

پنجشنبه ۱۳۹۹/۴/۵ - ۱۷:۲۶
Background image

لویې څارنوالۍ په تېرو شپږو میاشتو کې د ښځو پر ضد د تاوتریخوالي ۱۱۷۳ قضیې ثبت او څېړلې دي

لويې څارنوالۍ د روان مالي کال په تېرو شپږو میاشتو کې له ښځو سره د تاوتریخوالي ۱۱۷۳ قضيې ثبت کړې او څېړلې دي. یادې قضیې د جنسي تېري، وهل ډبولو، ځورونې، اجباري نکاح، په بدو کې ورکول، د. . .

پنجشنبه ۱۳۹۹/۱۲/۲۹ - ۱۳:۴۶
Background image

لویه څارنوالۍ کې د کرونا ویروس د مخنیوي په اړه نیول شوي وقایوي تدابیر وارزول شول

د افغانستان اسلامي جمهوري دولت لویې څارنوالۍ، د کرونا ویروس د مخنیوي او په دې اړه د وقایوي تدابیرو په موخه، د یادې ادارې د مالي او اداري چارو مرستیال په مشرۍ کمېټه جوړه کړې ده. یادې. . .

BACK TO NEWS