لویه څارنوالۍ کې له هېواد بهر مجرمینو د راستنولو اړوند د عدلي بنسټونو، کورنیو چارو او بهرنیو چارو وزارتونو تر منځ د همکارۍ ناسته وشوه

Ago
جمعه ۱۳۹۸/۶/۱۵ - ۱۱:۱۸
neshast

دا ناسته د کورنیو چارو وزارت د انټرپول څانګې، بهرنیو چارو وزارت او عدلیې وزارت د استازو په ګډون د ۱۳۹۸ کال د وږي پر ۱۴ د لویې څارنوالۍ د غونډو په تالار کې وشوه.

په یاده ناسته کې ګډونوالو، اړونده هېوادونو ته د مجرمینو د استولو او له بهر څخه د مجرمینو د را ستنولو په برخو کې د یادو بنسټونو د اجرااتو پر چټکولو او ساده کولو بحث وکړ.

په دغې ناسته کې پرېکړه وشوه، چې په دې برخه کې د شته ستونزې او ننګونې وپېژندل شي او د حل لپاره دې یې د لویې څارنوالۍ، کورنیو چارو، بهرنیو چارو او عدلیې وزارت تر منځ د همکارۍ میکانیزم یا هوکړه لیک تدوین شي.

همداراز په یاده ناسته کې د اجرااتو بهیر د چټکتیا په موخه، په پوره ځیرکۍ سره د نیونې فورمونو ډکولو او له برېښنایي لارې د هغه مکتوبونو استولو او په لاس راوړلو ته چې له امله یې مجرمین نیول کېږي، هم اشاره وشوه.

دا په داسې حال کې ده، چې افغانستان په ۲۰۰۲ میلادي کال د نړیوالو پولیسو (انټرپول) غړیتوب تر لاسه کړ او په ۲۰۱۲ میلادي کال د کورنیو چارو وزارت په تشکیل کې د «انټرپول ریاست) تر نوم لاندې یو خپلواک ریاست جوړ شو.

په نړیواله کچه د انټرپول د جوړونې اړتیا او بنسټزه موخه دا ده، چې د غړیو هېوادونو تر مینځ د همکاریو بهیر چټک او ساده شي، نړیوال عدلي او قضایي بنسټونه سره همغږي او هغه مجرمین چې له یو هېواد څخه بل هېواد ته تېښته کوي، په ښه توګه تر څار لاندې او ونیول شي.

تازه خبرونه

سه‌شنبه ۱۳۹۸/۷/۳۰ - ۱۲:۵۸
Background image

د لویې څارنوالۍ د مرکزي زون کارکوونکو ته د جنډر او د ښځو او ماشومانو د ځورنې د مخنیوي قانون په اړه د پوهاوي پروګرام جوړ شو

دا دوه ورځنۍ پروګرام د ملګرو ملتونو سازمان (UNDP) د پراختیایي پروګرام  له خوا، د یادې ادارې د مرکزي زون ۳۰ کارکوونکو ته د ۱۳۹۸ کال د تلې پر ۲۹ جوړ شو . . .

یکشنبه ۱۳۹۸/۷/۲۸ - ۱۵:۵
Background image

لویې څارنوالۍ په تلې میاشت کې د نشه یي توکو د قاچاق ۲۵۶ قضیې څېړلې دي

د افغانستان د اسلامي جمهوري دولت لویې څارنوالۍ، انساني کرامت ته په درناوي او د هېواد د نافذه قوانینو او هېوادوالو د شرعي او بشري حقونو په رعایتونې سره د ۱۳۹۸ کال په تلې میاشت کې له نشه. . .

یکشنبه ۱۳۹۸/۷/۲۸ - ۱۰:۳۷
Background image

له اداري فساد سره د مبارزې چارو کې د لویې څارنوالۍ د مرستیالۍ کارکوونکو ته د جنډر په اړه د پوهاوي پروګرام جوړ شو

دا روزنیز پروګرام د لویې څارنوالۍ د ښځو د ملاتړ ریاست له خوا، له اداري فساد سره د مبارزې چارو کې د لویې څارنوالۍ د مرستیالۍ ۲۵ کارکوونکو ته د ۱۳۹۸ کال د تلې پر ۲۷ د یادې ادارې د کتابتون. . .

BACK TO NEWS