لویې څارنوالۍ په وروستیو څو کلونو کې د خبریالانو پر وړاندې د تاوتریخوالي ۶۰ قضیې څېړلې دي

ago_admin
سه‌شنبه ۱۳۹۸/۸/۱۴ - ۸:۲۹
ago

د افغانستان اسلامي جمهوري دولت لویې څارنوالۍ، د خبریالانو او د بیان ازادۍ د ملاتړ په برخه کې د خپلو کړیو ژمنو پر بنسټ، په دې وروستیو څو کلونو کې د هېواد په کچه د خبریالانو پر وړاندې د تاوتریخوالي ۶۰ قضیې څېړلې دي.

دا قضیې د بېلابېلو جرمونو لکه وژنې، وهنې ډبونې، توهین، ګواښ، ناقانونه نیونې او وسله والو بریدونو په اړه دي، چې له امله یې ۸۳ کسان په نغدي جزا، اوږدمهاله بند، ان اعدام محکوم شوي دي.

دغه قضیې په کابل، ننګرهار، هرات، غور، نیمروز، فراه، کندز، کندهار، بلخ، بادغیس، زابل، خوست، فاریاب، پروان، کاپیسا او بغلان کې رامنځ ته شوې دي.

د یادو قضیو له جملې څخه ۳۳ قضیې، د خبریالانو د امنیت او خوندیتوب کمېټې له جوړېدو مخکې او ۲۷ نورې د یادې کمېټې له جوړېدو وروسته څارنوالۍ ته رسېدلې دي. هغه قضیې چې د خبریالانو د امنیت او خوندیتوب کمېټې له جوړېدو مخکې څارنوالۍ ته رسېدلې، بشپړې شوې او په اړه یې ۳۸ کسان محکوم شوي دي.

له ۲۷ هغه قضیو څخه، چې د یادې کمېټې له جوړېدو وروسته څارنوالۍ ته رسېدلې، ۱۲ یې بشپړې شوې او ۱۵ نورې په محاکماتي مرحلو کې دي، چې په اړه یې ۴۵ کسان تورن پېژندل شوي دي.

د بېلګې په توګه، خوست کې د BBC د خبریال ښاغلي احمد شاه د ترور په اړه څو کسان نیول شوي، چې یو یې پر اعدام او بل پر ۳۰ کاله بند محکوم شوی دی. همداراز د کابل نیوز د خبریال ښاغلي ارغند د وژنې اړوند دوه کسان نیول شوي، چې یو یې پر اعدام محکوم شوی دی. په همدې ډول کولای شو، د ورته قضیو د جدي څېړنو اړوند نورې بېلګې هم وړاندې کړو.

د بیان ازادۍ د ملاتړ او د خبریالانو پر وړاندې د تاوتریخوالي قضیو ته د رسیدګۍ په موخه د مطبوعاتي کنفرانسونو رابلل او د CMS له لارې د ( کشف، څېړنې او محاکمې) په بېلابېلو مرحلو کې د ورته قضیو جدي څېړنه د یادې ادارې نورې لاسته راوړنې بلل کېږي.

تازه خبرونه

پنجشنبه ۱۳۹۹/۴/۵ - ۱۷:۲۶
Background image

لویې څارنوالۍ په تېرو شپږو میاشتو کې د ښځو پر ضد د تاوتریخوالي ۱۱۷۳ قضیې ثبت او څېړلې دي

لويې څارنوالۍ د روان مالي کال په تېرو شپږو میاشتو کې له ښځو سره د تاوتریخوالي ۱۱۷۳ قضيې ثبت کړې او څېړلې دي. یادې قضیې د جنسي تېري، وهل ډبولو، ځورونې، اجباري نکاح، په بدو کې ورکول، د. . .

پنجشنبه ۱۳۹۹/۱۲/۲۹ - ۱۳:۴۶
Background image

لویه څارنوالۍ کې د کرونا ویروس د مخنیوي په اړه نیول شوي وقایوي تدابیر وارزول شول

د افغانستان اسلامي جمهوري دولت لویې څارنوالۍ، د کرونا ویروس د مخنیوي او په دې اړه د وقایوي تدابیرو په موخه، د یادې ادارې د مالي او اداري چارو مرستیال په مشرۍ کمېټه جوړه کړې ده. یادې. . .

چهارشنبه ۱۳۹۸/۱۲/۲۱ - ۱۶:۱۹
Background image

لویه څارنوالۍ کې د ښځو ونډه نظامنده، مفهم لرونکې او د ډا‌ډ وړ ده

د افغانستان اسلامي جمهوري دولت لوی څارنوال څارنپوه محمد فرید حميدي، د ښځو د پیوستون نړیوالې ورځې(د مارچ اتمه) په نمانځغونډه کې وویل، چې د نرینه وو او ښځو له ګډون پرته عدالت ته لاسرسی. . .

BACK TO NEWS