د اداري فساد د لویو جرمونو پر ضد د مبارزې عدلي او قضايي مرکز ته معیاري ودانۍ جوړېږي

Hussain_admin
سه‌شنبه ۱۴۰۰/۳/۱۸ - ۸:۴۰
ago

دا ودانۍ په ۷۰ جریبه ځمکه کې په پخه او اساسي توګه د کابل پنځلسمې ناحیې په قصبه سیمه کې رغېږي، چې په دغه ځمکه کې د مرکز اصلي ودانۍ، زرغونه سیمه او نور اړینې اړتیاوې پکې راځي.

په همدې تړاو یوه غونډه د سرپرست لوی څارنوال محترم ذبیح الله کلیم، د ښارجوړونې او اراضي وزارت معین، د اداري فساد پر ضد د مبارزې عدلي او قضايي مرکز رئيس، د دغه مرکز اجرايي رئيس، د ملي پراختیا شرکت استازی او د دغه شرکت د انجینر په ګډون رابلل شوې وه. یاده شوې غونډه د دغه مرکز د ودانۍ د طرحې او ډیزاین په سر د بحث په موخه نن د ۱۴۰۰ لمریز کال د غبرګولي پر ۱۷ د لویې څارنوالۍ د عالي شورا په تالار کې وشوه.

د ودانۍ د موظف انجنیر د پریزنټېشن تر وړاندې کولو وروسته د غونډې ګډونوالو د زیات لګښت د مخنیوي او د دغې طرحې د سمون په موخه خپل نظریات سره شریک کړل.

د هېواد سرپرست لوی څارنوال محترم ذبیح الله کلیم په دې غونډه کې وویل، چې د اداري فساد د لویو جرمونو پر ضد د مبارزې عدلي او قضايي مرکز کړنو اهمیت ته په کتو، د ښو چارو د ترسراوي لپاره مجهزو کاري دفترونو ته اړتیا شته. نوموړي وویل، چې هڅه دې وشي، دا ودانۍ په اساسي معیارونو او کم لګښت جوړه شي.

د لویې څارنوالۍ سرپرست ټینګار وکړ، چې د دغې ودانۍ په طرحې، ډیزاین او رغاوي کې باید لازم پام وشي.

ښاغلي کلیم لویې څارنوالۍ په ځانګړې توګه د اداري فساد د لویو جرمونو پر ضد د مبارزې عدلي او قضايي مرکز ته د پام او ملاتړ او دغه مرکز ته د ځمکې د ځانګړې کولو په پار د هېواد د جمهور رئيس مننه کړه.

په ورته وخت کې د ښارجوړونې او اراضي وزارت معینې سحر همدرد وویل، چې دا ودانۍ به د دغه مرکز او کارکوونکو له اړتیاوو سره سمه جوړه شي. نوموړې زیاته کړه، هڅه به يې دا وي، چې په کم وخت او اساسي توګه دا وداني ورغول شي.

بلخوا د اداري فساد د لویو جرمونو پر ضد د مبارزې عدلي او قضايي مرکز رئيس محمد ظریف علم ستانکزي د دغه مرکز د ودانۍ رغول د اداري فساد پر ضد د مبارزې په برخه کې د چارو د چټکتیا لپاره ګټور وبلل. نوموړي وویل، چې دمګړۍ د امکاناتو او د مناسبې کاري فضا د نشتوالي له کبله يې همکاران له ستونزو سره مخامخ دي.

ټاکل شوې ده، د دغې ودانۍ وروستۍ طرحه او ډیزاین به تر تخنیکي کار وروسته بشپړه او لګښت او بودیجه به یې د منظورۍ لپاره جمهوري ریاست ته واستول شي.

تازه خبرونه

یکشنبه ۱۴۰۰/۳/۳۰ - ۱۳:۱۳
Background image

د لویې څارنوالۍ او د قزاقستان د اداري فساد پر ضد د مبارزې ادارې ترمنځ د همکارۍ هوکړه لیک لاسلیک شو

دا هوکړه لیک د افغانستان اسلامي جمهوري دولت لویې څارنوالۍ د اداري فساد پر ضد د مبارزې مرستیال څارنمل قیس باوري او د قزاقستان جمهوري دولت د اداري فساد پر ضد د مبارزې ادارې استازي نورلان. . .

یکشنبه ۱۴۰۰/۳/۳۰ - ۱۰:۷
Background image

د کابل استیناف څارنوالۍ ۳۶۶ قضیو ته د ۱۴۰۰ مالي کال په دویمې ربع کې رسېدنه کړې

د کابل استیناف څارنوالۍ د شپږګونو زونونو په ګډون ۳۶۶ جرمي قضيې د تحقیق، صورت دعوا او اتهامنامو تر ترتیبب وروسته محکمو ته استولې دي . . .

چهارشنبه ۱۴۰۰/۳/۲۶ - ۱۱:۴
Background image

د ملي دفاع وزارت د مادي او تخنیکي پخواني مرستیال په ګډون ۲۵ کسان له یوه کال تر نهو کالو بند محکوم شول

دا کسان د افغانستان ملي اردو د ۲۳ قلمه البسو په تدارکاتي پروسه کې د اختلاس، تزویر، له واکه ناوړه استفادې او له قوانینو او مقرراتو د سرغړاوي له کبله د اداري فساد د لویو جرمونو پر ضد د. . .

BACK TO NEWS