د افغانستان د خلکو ازادي او خپلواکي غوښتنه، د خپلواکۍ او ازادۍ غوښتنې په موخه د ډېری هېوادونو د مبارزې پېلامه وه

ago_admin
چهارشنبه ۱۳۹۸/۵/۱۶ - ۱۴:۲۸
فرید حمیدی

د افغانستان اسلامي جمهوري دولت لوی څارنوال څارنپوه محمد فرید حمیدي، د « پېچلو قضیو د ارزونې) په روزنیز پروګرام کې وویل، چې د خلکو اتفاق، اتحاد او یووالی د یو خپلواک افغانستان د نېکمرغۍ او بریالیتوب لار ده. په دغه پروګرام کې، چې د ۱۳۹۸ کال د زمري پر ۱۵ د مسلکي زده کړو انستیتوت په تالار کې جوړ شوی و، د لوی څارنوال مرستیالانو، د مرکزي څارنوالیو او د ولایتي استیناف څارنوالیو رئیسانو ګډون کړی و.

ښاغلي حمیدي، د افغانستان د خپلواکۍ د بېرته اخېستلو د سلمې کلیزې د مبارکۍ تر څنګ، دا خپلواکي او ازادي د افغانستان د غیرتي ولس د سرښندنو او قربانیو پایله وګڼله او د افغانستان د خلکو ازادي او خپلواکي غوښتنه یې، د خپلواکۍ او ازادۍ غوښتنې په موخه د ډېری هېوادونو د مبارزې پېلامه یاده کړه. نوموړي همداراز زیاته کړه: «موږ یو بې وسه ملت یو؛ خو ازادي غوښتونکي، غیرتمند او سرلوړي، چې د ازادۍ غوښتنې لپاره هر قیمت ته چمتو یو.»

د ښاغلي حمیدي په خبره، د افغانستان غیرتمند ولس ۱۰۰ کاله وړاندې په یو غږ د غازي امان الله خان تر مشرۍ لاندې وتوانېد، چې له انګریزانو خپله خپلواکي ترلاسه کړي.

نوموړي ټينګار وکړ، چې په اوسنیو شرایطو کې یوازې د خلکو یووالی کولای شي، یوه تلپاتې سوله رامنځته او هېواد له شته ناامنیو او دسیسو وژغوري.

تازه خبرونه

پنجشنبه ۱۳۹۹/۱۲/۲۹ - ۱۳:۴۶
Background image

لویه څارنوالۍ کې د کرونا ویروس د مخنیوي په اړه نیول شوي وقایوي تدابیر وارزول شول

د افغانستان اسلامي جمهوري دولت لویې څارنوالۍ، د کرونا ویروس د مخنیوي او په دې اړه د وقایوي تدابیرو په موخه، د یادې ادارې د مالي او اداري چارو مرستیال په مشرۍ کمېټه جوړه کړې ده. یادې. . .

چهارشنبه ۱۳۹۸/۱۲/۲۱ - ۱۴:۲۸
Background image

لویې څارنوالۍ په ۱۳۹۸ کال له اداري فساد سره د مبارزې برخه کې ۱۶۸۳ قضیې څېړلې دي

د افغانستان اسلامي جمهوري دولت لویې څارنوالۍ، په ۱۳۹۸ لمریز کال کې له اداري فساد سره د مبارزې مرستیالۍ له لارې، د ۵۰۶ ولایتي قضیو په شمول یو زر او ۶۸۵ قضیې ثبت کړې او څېړلې دي او د. . .

یکشنبه ۱۳۹۸/۱۲/۱۸ - ۱۰:۳۰
Background image

لویې څارنوالۍ په تېرو څلورو میاشتو کې د نشه یي توکو ۳۴۷ قضیې څېړلې دي

د افغانستان اسلامي جمهوري دولت لویې څارنوالۍ، د ۱۳۹۸ کال په وروستیو څلورو میاشتو کې له نشه یي توکو سره د مبارزې د ځانګړې څارنوالۍ له لارې، د نشه يي توکو ۳۴۷ قضیې ثبت کړې او څېړلې دي . .. . .

BACK TO NEWS