د افغانستان د سولې او پراختیا دویم ملي سند د پېژندنې او د لویې څارنوالۍ د تطبیقي پلان د پراختیا غونډه وشوه

Hussain_admin
چهارشنبه ۱۳۹۹/۱۱/۲۲ - ۱۴:۶
PLAN

دا غونډه د لویې څارنوالۍ د پالیسۍ، پلان او نظارت ریاست له خوا د ماليې وزارت په همکارۍ د ۱۳۹۹ لمریز کال د سلواغې پر ۲۱ د لویې څارنوالۍ د اداري فساد پر ضد د مبارزې مرستیال او د دغې ادارې او د ماليې وزارت د ځینو رئیسانو په ګډون د مسلکي زده کړو په انستیتیوت کې وشوه.

د لویې څارنوالۍ د اداري فساد پر ضد د مبارزې مرستیال قیس باوري دا غونډه مهمه وبلله او د ماليې وزارت د همکارۍ يې مننه وکړه.

ښاغلي باوري له اداري فساد سره پر مبارزې ټینګار وکړ او زیاته یې کړه، چې له اداري فساد سره مبارزه د لویې څارنوالۍ ملي او نړیوال مسؤولیت دی.

په ورته وخت کې د لويې څارنوالۍ د پالیسۍ، پلان او نظارت رئیس رحیم الله صافي د دغې غونډې د ترسراوي موخه د افغانستان د سولې او پراختیا د دویم ملي سند پېژندنه وبلله. د نوموړي په وینا، په دې غونډه کې به پر هغو شاخصونو چې په لویې څارنوالۍ پورې اړوند وي، په مفصل ډول بحث وشي.

د ښاغلي صافي په وینا، لویه څارنوالي د اصلاحاتو او له اداري فساد سره د مبارزې په برخه کې پرېکنده او جدي ده او په دې تړاو يې په بېلابېلو برخو کې اساسي لاسته راوړنې درلودلې دي او همداراز ملي او نړیوالو تعهداتو ته هم ژمنه ده.

نوموړي د خپلو خبرو په دوام کې اطلاعاتو ته د خلکو پر لاسرسي ټینګار وکړ او ويې ویل: «لویه څارنوالي خپل ټول فعالیتونه له رسنیو او خلکو سره شریک کړي او په دې برخه کې تر نورو وړاندې ده.» د نوموړي په وینا، لویه څارنوالي د دولتي ادارو یوه مهمه اداره ده او د اداري فساد پر ضد د مبارزې په لومړۍ کرښه کې ده.

د نوموړي په وینا، لویه څارنوالي د سولې د ملي تعهداتو او د افغانستان د پراختیا تر څنګ، ملي او نړیوالو تعهداتو ته هم ژمنه ده او په دې برخه کې يې د تطبیق په موخه جدي اصلاحات راوستي او په پایله کې د افغانستان اسلامي جمهوري دولت په نړیوالو بحثونو او کنفرانسونو کې ملاتړ ترلاسه کړی دی.

بلخوا، د ماليې وزارت د پالیسۍ د تحلیل او د اقتصادي پروګرامونو رئيس د دغې غونډې د ترسراوي په موخه د لویې څارنوالۍ مننه وکړه او زیاته يې کړه، چې په جینوا کنفرانس کې د نړیوالې ټولنې مرستې مشروطې دي او په دې برخه کې باید جدي توجه وشي، دا وزارت مکلف دی، چې په هرو دوو میاشتو کې د خپلو ژمنو د تطبیق او پرمختګ په تړاو دولت او نړیوالې ټولنې ته ګزارش ورکړي.

د ښاغلي مشتري په وینا، په جینوا کنفرانس کې له افغانستان سره مرستندویو هېوادونو له اداري فساد سره پر مبارزې ټینګار کړی او دا مبارزه د افغانستان اسلامي جمهوري دولت کاري لومړیتوب هم دی. د نوموړي په وینا، لویه څارنوالۍ د اصلاحاتو، له اداري فساد سره د مبارزې، عدالت ته د خلکو د لاسرسي، له ښځو سره د تاوتریخوالي د مخنیوي او ځینو نورو مواردو په برخه کې ښې لاسته راوړنې درلودلې دي.

د یادونې وړ ده، چې د ماليې وزارت د پالیسۍ د تحلیل او د اقتصادي پروګرامونو رئيس، په مفصله توګه د افغانستان د سولې او پراختیا دویم ملي سند (ANPDF 2) په تړاو پریزینټېشن وړاندې کړ.

ټاکل شوې ده، چې د لویې څارنوالۍ د پالیسۍ، پلان او نظارت ریاست د پوهاوي ورته پروګرامونه د ولایتي زونونو په کچه په راتلونکي کې دایر کړي.

تازه خبرونه

سه‌شنبه ۱۳۹۹/۱۲/۱۲ - ۱۳:۵۵
Background image

لویې څارنوالۍ د ۱۳۹۹ لمریز کال په سلواغې کې د عسکري جنايي جرمونو ۱۸۵ قضیو ته رسېدنه کړې

په دغو قضیو کې ۸ قضيې د قتل، ۲ د غلا، ۱ د اخلاقي جرمونو، ۸ د مالي او اداري جرمونو، ۱ د نشه يي توکو او ۱۶۶ هم د نورو جرایمو په تړاو دي . . .

یکشنبه ۱۳۹۹/۱۲/۱۰ - ۱۱:۲۵
Background image

له کورني او بهرني امنیت ضد جرایمو سره د مبارزې او نظامي ۶۷ څارنوالان د هېواد د امنیتي او دفاعي ځواکونو د ملي ورځې په مناسبت فوق العاده ترفیع وکړه

څارنپوه محمد فرید حمیدي د دغو څارنوالانو د ترفیع د غونډې ګډونوالو او افغانانو ته د هېواد د امنیتي او دفاعي ځواکونو ملي ورځې د مبارکۍ تر څنګ هغو څارنوالانو ته چې ترفیع يې کړې وویل، د. . .

شنبه ۱۳۹۹/۱۲/۹ - ۱۴:۵۱
Background image

لویې څارنوالۍ کې د امنیتي او دفاعي ځواکونو د ملاتړ ملي ورځ د وینې په اهدا کولو ونمانځل شوه

دا غونډه د هېواد له امنیتي او دفاعي ځواکونو څخه د ملاتړ په موخه د افغانستان اسلامي جمهوري دولت لوی څارنوال څارنپوه محمدفرید حمیدي، د لویې څارنوالۍ د قضایي تعقیب چارو مرستیال غلام حیدر. . .

BACK TO NEWS