د بامیانو د یکاولنګ نمبر ۱ ولسوالۍ ابتداییه څارنوال د بډو اخیستلو په تور ونیول شو

ago_admin
چهارشنبه ۱۳۹۹/۱۱/۲۲ - ۱۵:۳۵
logo

د ۱۳۹۹ لمریز کال د سلواغې ۲۲

د لویې څارنوالۍ د کنټرول او مراقبت څارنوالۍ ریاست د ملي امنیت د منسوبینو او د بامیانو د امنیه قوماندانۍ په مرسته د اوپراتیفي عملیاتو په پایله کې د بامیانو د یکاولنګ نمبر ۱ ولسوالۍ ابتداییه څارنوال د ۱۳۹۹ لمریز کال د سلواغې پر ۲۱ د ۱۰۰ زره افغانیو له مجموعې د ۳۰ زره افغانیو رشوت اخیستلو په تور لاس په لاس ونیوه.

د دغې قضيې د څېړنې او اجرااتو پایلې به د تحقیقاتي او محاکماتي پړاوونو تر بشپړېدو وروسته شریکې شي.

دا قضیه د افغانستان اسلامي جمهوري دولت لوی څارنوال د دوشنبې لیدنو په ترڅ کې چې د بامیانو د یوه اوسېدونکي له خوا له لوی څارنوال سره نېغ په نېغ شریک شوې وه، ثبت او په تړاو یې اجراات وشول. دغه هېوادوال د یکاولنګ ولسوالۍ ابتداییه څارنوال له خوا د نوموړي د نسبتي دوسیې په تړاو د کارونو د ځنډ او د رشوت له غوښتلو سر ټکولی و.

له هېوادوالو سره د لوی څارنوال د دوشنبې لیدنې هر اوونۍ د هغوی د ستونزو او قضیو ته رسیدګۍ په موخه کېږي، چې دا کار له یوې خوا عدالت ته د خلکو په لاسرسي کې ګټور دی او له بلې خوا د څارنوالانو او د دغې ادارې د کارکوونکو پر اجرااتو نظارت او څار پياوړی کوي.

لویه څارنوالۍ له دغې ادارې سره د قانون د تطبیق او د عدالت د تأمین په برخه کې د هېوادوالو پر همکارۍ او ملاتړ ټینګار کوي او همداراز داخلي نظارت، روڼتیا او له اداري فساد سره مبارزه خپل کاري لومړیتوب ګڼي او هغه کسان چې پر فساد ککړ وي، نیسي او تر عدلي تعقیب لاندې یې راولي.

تازه خبرونه

سه‌شنبه ۱۳۹۹/۱۲/۱۲ - ۱۳:۵۵
Background image

لویې څارنوالۍ د ۱۳۹۹ لمریز کال په سلواغې کې د عسکري جنايي جرمونو ۱۸۵ قضیو ته رسېدنه کړې

په دغو قضیو کې ۸ قضيې د قتل، ۲ د غلا، ۱ د اخلاقي جرمونو، ۸ د مالي او اداري جرمونو، ۱ د نشه يي توکو او ۱۶۶ هم د نورو جرایمو په تړاو دي . . .

یکشنبه ۱۳۹۹/۱۲/۱۰ - ۱۱:۲۵
Background image

له کورني او بهرني امنیت ضد جرایمو سره د مبارزې او نظامي ۶۷ څارنوالان د هېواد د امنیتي او دفاعي ځواکونو د ملي ورځې په مناسبت فوق العاده ترفیع وکړه

څارنپوه محمد فرید حمیدي د دغو څارنوالانو د ترفیع د غونډې ګډونوالو او افغانانو ته د هېواد د امنیتي او دفاعي ځواکونو ملي ورځې د مبارکۍ تر څنګ هغو څارنوالانو ته چې ترفیع يې کړې وویل، د. . .

شنبه ۱۳۹۹/۱۲/۹ - ۱۴:۵۱
Background image

لویې څارنوالۍ کې د امنیتي او دفاعي ځواکونو د ملاتړ ملي ورځ د وینې په اهدا کولو ونمانځل شوه

دا غونډه د هېواد له امنیتي او دفاعي ځواکونو څخه د ملاتړ په موخه د افغانستان اسلامي جمهوري دولت لوی څارنوال څارنپوه محمدفرید حمیدي، د لویې څارنوالۍ د قضایي تعقیب چارو مرستیال غلام حیدر. . .

BACK TO NEWS