د عدلي او قضايي مرکز ۲۵ څارنوالانو او پولیسو ته د اداري او مسلکي زده کړو روزنیز ټولګی دایر شو
د اداري فساد د لویو جرمونو پر ضد د مبارزې ځانګړې څارنوالۍ عمومي ریاست د دغه مرکز ۲۵ څارنوالانو او پولیسو ته شپږ ورځنی روزنیز پروګرام پيل کړ. دا روزنیز ټولګی د ۱۴۰۰ لمریز کال د چنګاښ پر ۱۹ د «اداري سرغړونې او د اداري فساد د جرایمو» په نامه پيل شوی دی.
د دغه پروګرام د ترسراوي موخه د یاد شوي مرکز د اداري او مسلکي کارکوونکو د حقوقي پوهې لوړاوی بلل شوی دی.
په دغه ټولګي کې د کورنیو چارو وزارت د لویو جرمونو پر ضد د مبارزې برخې ۵ پولیسو، له داري فساد سره د مبارزې مرستیالۍ ۱۰ څارنوالانو او د عدلي او قضايي مرکز ۱۰ څارنوالانو ګډون کړی دی. دا روزنیز پروګرام د اداري فساد د لویو جرمونو پر ضد د مبارزې ځانګړې څارنوالۍ عمومي رئیس دوکتور محمد ظریف ستانکزي له خوا تدریسېږي.
