د لویې څارنوالۍ او د ځېنو وزارتونو او خپلواکو دولتي ادارو تر منځ د همغږۍ دویمه ناسته وشوه

Yama
چهارشنبه ۱۳۹۸/۱/۲۸ - ۱۵:۳۷
gender

په یاده ناسته کې د لویې څارنوالۍ د ښځو پر ضد د تاوتریخوالي او د ماشومانو د سرغړونو د مخنیوي مرستیالې آغلې سینا شنا منصور، د یادې مرستیالۍ ځینو کارکوونکو، د وزارتونو او خپلواکو ادارو (د جمهوري ریاست د دویمې مرستیالۍ، د کرهنې او اوبو لګونې، معلوماتي تکنالوژۍ او معلوماتو، اوبو او برېښنا، پوهنې او په پارلماني چارو کې د دولت وزارت او همداراز د اساسي قانون پر تطبیق د څار خپلواک کمېسیون) د جنډر مسؤولانو ګډون کړی و.

دغه ناسته د حقونو د پراختیا نړیوال سازمان( (IDLOپه همکارۍ ۱۳۹۸ کال د وري پر ۲۸ د لویې څارنوالۍ د ښځو پر ضد د تاوتریخوالي او د ماشومانو د سرغړونو د مخنیوي مرستیالۍ په تالار کې وشوه.

د ښځو پر ضد د تاوتریخوالي او د ماشومانو د سرغړونو د مخنیوي چارو کې د لويې څارنوالۍ مرستیالې آغلې سینا شنا منصور له یادې ادارې سره د وزارتونو او خپلواکو ادارو د جنډر څانګو پر همغږۍ ټینګار وکړ او ویې ویل: «لویه څارنوالي هغه جرمونه چې د ښځو پر ضد کېږي، په دقیقه او بې پرې توګه څېړي.» د نوموړې په خبره د ښځو د ځورونې او اذیت د مخنیوي قانون کولای شي، په دې برخه کې شته ستونزي حل کړي.

په ورته مهال کې، د لویې څارنوالۍ د ښځو پر ضد د تاوتریخوالي او د ماشومانو د سرغړونو د مخنیوي څارنوالۍ مشاور عبدالحمید صمدي، د لویې څارنوالۍ او د نورو دولتي ادارو د جنډر څانګو تر منځ د همغږۍ رامنځ ته کول د یادې ناستې موخه وبلله. د نوموړي په خبره، لویه څارنوالي په پام کې لري، چې په نږدې راتلونکو کې د جنډر په اړه د عامه پوهاوي پروګرامونه په ټولو وزارتونو او دولتي خپلواکو ادارو کې جوړ کړي.

له بلې خوا د دولتي ادارو د جنډر مسؤولانو یاده ناسته مهمه وبلله او په ادارو کې یې د ورته پروګرامونو جوړول د ښځو پر ضد د تاوتریخوالي د کچې کمولو او د خوندي کاري چاپېریال د رامنځته کولو په برخه کې اغېزناک وبلل.

دا په داسې حال کې ده، چې لویې څارنوالۍ څه موده ضد هم له ځینو وزارتونو او خپلواکو دولتي ادارو سره د همغږۍ ناسته کړې وه.

تازه خبرونه

یکشنبه ۱۳۹۸/۳/۲۶ - ۱۱:۴
Background image

د جنرال حبیب الله احمدزي ادعا به د افغانستان د علماوو سراسري شورا، رسنیو، د افغان ښځو شبکې، د مدني ټولنو نهادونو او د روڼتیا څار بنسټ په شتون کې وڅېړل شي.

د افغانستان اسلامي جمهوري دولت لویې څارنوالۍ د ۱۳۹۸ کال د غبرګولي په ۲۳ د یو رسمي لیک له لارې له یادو ادارو غوښتي، چې د څېړنې د ترسره کولو په موخه خپل استازي دغې ادارې ته وروپېژني . . .. . .

چهارشنبه ۱۳۹۸/۳/۲۲ - ۱۵:۴۴
Background image

په لویه څارنوالۍ کې د عدلي سکتور د اصلاحاتو شاخصونه پر خپل ټاکلي وخت پلي کېږي

اروپایي ټولنې تېر زېږدیځ کال د قوانینو د تعدیل او غني کولو، د څارنوالانو او د لویې څارنوالۍ د اداري، بشري سرچینو، ظرفیت لوړونې، اداري فساد او له ښځو سره د تاوتریخوالي د مبارزې په برخو. . .

چهارشنبه ۱۳۹۸/۳/۲۲ - ۱۵:۶
Background image

د ماشوم نړیواله ورځ ونمانځل شوه

د افغانستان د اسلامي جمهوري دولت لویې څارنوالۍ، د ماشوم نړیواله ورځ د یادې ادارې د مسلکي زده کړو انستیتوت په تالار کې د ۱۳۹۸ کال د غبرګولي پر ۲۲ ونماځله . . .

BACK TO NEWS