د لویې څارنوالۍ او ملي دفاع وزارت ترمنځ د نړیوالو جرمونو په تړاو د همغږۍ غونډه وشوه

Hussain_admin
سه‌شنبه ۱۴۰۰/۵/۱۹ - ۱۵:۵۵
ago

دا ناسته له نړیوالو جرمونو سره د مبارزې څارنوالۍ رئیس او د ملي دفاع وزارت ترمنځ د ۱۴۰۰ لمریز کال د زمري پر ۱۸ وشوه.

د دغې ناستې موخه د بشري حقونو او د نړیوالو بشردوستانه حقوقو د نقض قضیو ته رسیدګي او د اړوندو بنسټونو له خوا دغو قضیو ته د رسېدنې د څرنګوالي په اړه وه.

د نړیوالو جرمونو پر ضد د مبارزې څارنوالۍ رئیس په دې ناسته کې د نړیوالې جزا محکمې، روم اساسنامې او د افغانستان غړیتوب، د دغې جزايي محکمې تکمیلي صلاحیت او د افغانستان په جزا کوډ کې د بشریت ضد جرم پېژندنه، د نسل وژنې او جنګي جرایمو په هکله خبرې وکړې.

د نړیوالو جرمونو اړوند د وزارتونو ترمنځ د تخنیکي کمېټې موجودیت، د افغانستان اسلامي جمهوري دولت د لويې څارنوالۍ کړنې؛ د نړیوالو جرمونو په اړه شته فرصتونه او ننګونې له نورو مواردو څخه وو، چې په دې ناسته کې بحث ورباندې وشو.

د ملي دفاع وزارت استازي ژمنه وکړه، چې د نړیوالو جرمونو قضیو ته د رسیدګۍ په موخه به له لویې څارنوالۍ سره لازمه همکاري او همغږي کوي.

تازه خبرونه

شنبه ۱۴۰۰/۱۰/۴ - ۲۲:۴۸
Background image

الحاج مولوي شاه محمد شاهد د لویې څارنوالۍ د سرپرست په توګه معرفي شو

الحاج مولوي شاه محمد شاهد د افغانستان اسلامي امارت د ریاست الوزرا د ۵۷۵ ګڼې حکم پر اساس د لویې څارنوالۍ د سرپرست او د دغې ادارې د مالي او اداري چارو مرستیال په توګه وګومارل شو . . .

پنجشنبه ۱۴۰۰/۵/۲۱ - ۸:۷
Background image

د لويې څارنوالۍ عالي شورا غونډه وشوه

د لويې څارنوالۍ عالي شورا غونډه د لویې څارنوالۍ د سرپرست محترم ذبیح‌الله کلیم په مشرۍ د ۱۴۰۰ لمریز کال د زمري پر شلمه وشوه . . .

سه‌شنبه ۱۴۰۰/۵/۱۹ - ۱۵:۵۵
Background image

د لویې څارنوالۍ او ملي دفاع وزارت ترمنځ د نړیوالو جرمونو په تړاو د همغږۍ غونډه وشوه

دا ناسته له نړیوالو جرمونو سره د مبارزې څارنوالۍ رئیس او د ملي دفاع وزارت ترمنځ د ۱۴۰۰ لمریز کال د زمري پر ۱۸ وشوه . . .

BACK TO NEWS