د لویې څارنوالۍ کارکوونکو د هېواد امنیتي او دفاعي ځواکونو ته ۶۳ زره سي سي وینه اهدا کړه

ago_admin
سه‌شنبه ۱۳۹۸/۱۲/۱۳ - ۱۵:۱۹
اهدای خون

د افغانستان اسلامي جمهوري دولت د لویې څارنوالۍ کارکوونکو «د وطن سرتېریه! ستا وینه زموږ عزت ده» په شعار د هېواد د امنیتي او دفاعي ځواکونو د ملاتړ ملي ورځې په مناسبت، د ۱۳۹۸ لمریز کال د کب پر دیارلسمه، ۶۳ زره سي سي وینه ورکړه.

د وینې د اهدا دا مراسم د لویې څارنوالۍ د دارالامان ودانۍ په روغتیايي کلینیک کې ترسره شول او د هېواد لوی څارنوال څارنپوه محمدفرید حمیدي، د دغې ادارې مرستیالانو، رئیسانو او کارکوونکو پکې ګډون کړی و.

د افغانستان اسلامي جمهوري دولت لوی څارنوال څارنپوه محمدفرید حمیدي په دغه غونډه کې وویل، دا یو ښه اقدام دی، چې خپله وینه د هېواد امنیتي او دفاعي ځواکونو د سرښندو او عظمت په موخه، چې د هېواد له ګوټ ګوټ څخه ساتنه کوي، ډالۍ کړو. ښاغلي حمیدي زیاته کړه: «اوسمهال ټول افغانان په دې باوري دي، چې د ښارونو، ولسوالیو او کورنیو عزت د سرتېریو په سرښندنو پورې تړلی دی.»

اهدای خون

د هېواد لوی څارنوال د خپلو خبرو په دوام سره د عدلي او قضایي بنسټونو رول د سولې او امنیت په برخه کې بنسټي وباله او زیاته یې کړه، چې د عدالت او د قانون له ټینګښته پرته سوله ناشونې ده. نوموړي زیاته کړه، چې د عدالت او د قانون ټینګښت چې د عدلي او قضایي بنسټونو له خوا پلی کېږي، د هېواد د دفاعي او امنیتي ځواکونو د سرښندنو پایله ده.

ښاغلي حمیدي همداراز وویل: «خلکو ته ډاډ ورکوو، چې هم د جګړې او هم د سولې پر مهال د افغانانو د عزت او کرامت او د افغانستان د دفاع په موخه سره یو لاس یو.» هغه زیاته کړه، چې عدلي او قضايي بنسټونه د خلکو د حقونو د خوندیتابه لپاره تیار دي او چا ته به اجازه ورنه کړي، چې تر پښو لاندې یې کړي.

اهدای خون

د یادونې وړ ده، چې د ولایتونو د استیناف څارنوالیو کارکوونکو هم له دغې ورځې سره هممهاله  د هېواد دفاعي او امنیتي ځواکونو د ملاتړ په موخه خپله وینه اهدا کړې ده.

تازه خبرونه

پنجشنبه ۱۳۹۹/۱۲/۲۹ - ۱۳:۴۶
Background image

لویه څارنوالۍ کې د کرونا ویروس د مخنیوي په اړه نیول شوي وقایوي تدابیر وارزول شول

د افغانستان اسلامي جمهوري دولت لویې څارنوالۍ، د کرونا ویروس د مخنیوي او په دې اړه د وقایوي تدابیرو په موخه، د یادې ادارې د مالي او اداري چارو مرستیال په مشرۍ کمېټه جوړه کړې ده. یادې. . .

چهارشنبه ۱۳۹۸/۱۲/۲۱ - ۱۴:۲۸
Background image

لویې څارنوالۍ په ۱۳۹۸ کال له اداري فساد سره د مبارزې برخه کې ۱۶۸۳ قضیې څېړلې دي

د افغانستان اسلامي جمهوري دولت لویې څارنوالۍ، په ۱۳۹۸ لمریز کال کې له اداري فساد سره د مبارزې مرستیالۍ له لارې، د ۵۰۶ ولایتي قضیو په شمول یو زر او ۶۸۵ قضیې ثبت کړې او څېړلې دي او د. . .

یکشنبه ۱۳۹۸/۱۲/۱۸ - ۱۰:۳۰
Background image

لویې څارنوالۍ په تېرو څلورو میاشتو کې د نشه یي توکو ۳۴۷ قضیې څېړلې دي

د افغانستان اسلامي جمهوري دولت لویې څارنوالۍ، د ۱۳۹۸ کال په وروستیو څلورو میاشتو کې له نشه یي توکو سره د مبارزې د ځانګړې څارنوالۍ له لارې، د نشه يي توکو ۳۴۷ قضیې ثبت کړې او څېړلې دي . .. . .

BACK TO NEWS