د ماشوم نړیواله ورځ ونمانځل شوه

ago_admin
چهارشنبه ۱۳۹۸/۳/۲۲ - ۱۵:۶
kodak

د افغانستان د اسلامي جمهوري دولت لویې څارنوالۍ، د ماشوم نړیواله ورځ د یادې ادارې د مسلکي زده کړو انستیتوت په تالار کې د ۱۳۹۸ کال د غبرګولي پر ۲۲ ونماځله.

په دغه پروګرام کې د لویې څارنوالۍ د خدماتو رئیس محمد آصف فیاض، د لویې څارنوالۍ د وړکتون آمرې کامله سعادت آریوبي، د وړکتون ښوونکو او د یادې ادارې ځينو کارکوونکو ګډون کړی و.

د لویې څارنوالۍ د خدماتو رئیس محمد آصف فیاض د ماشوم د نړیوالې ورځې د مبارکۍ ترڅنګ وویل: «دغې ادارې د ماشومانو د روزنې، تغذیې او تفریح کولو لپاره ښه زمینه برابره کړې ده.» ښاغلي فیاض د ماشومانو په روزنه کې د مور او پلار او ښوونکو رول مهم وباله او ټینګار یې وکړ، چې ټول خلک د خپلو ماشومانو د ښه راتلونکي د جوړونې په برخه کې مسؤول دي.

k

په ورته مهال کې د لویې څارنوالۍ د وړکتون آمرې کاملې سعادت آریوبې، د یادې ادارې د وړکتون د امکاناتو د ښه والي په برخه کې د لویې څارنوالۍ له رهبرۍ مننه وکړه او ویې ویل: «لویې څارنوالۍ د ماشومانو د روزنې او تفریح لپاره ښه زمینه برابره کړې ده.» آغلې سعادت اریوبي زیاته کړه، چې د لویې څارنوالۍ د وړکتون آمریت پرلپسې هڅې کوي، ترڅو د یادې ادارې د کارکوونکو ماشومانو ته سالمه ښوونه او روزنه ورکړي.

د لویې څارنوالۍ رهبري، په دغې اداره کې د ماشومانو د سالمې روزنې په موخه، د مناسب ځای او زمینې برابرول خورا مهم ګني او هر کال د ماشوم نړیواله ورځ په دغې اداره کې نمانځي.

تازه خبرونه

سه‌شنبه ۱۳۹۹/۱۲/۱۲ - ۱۳:۵۵
Background image

لویې څارنوالۍ د ۱۳۹۹ لمریز کال په سلواغې کې د عسکري جنايي جرمونو ۱۸۵ قضیو ته رسېدنه کړې

په دغو قضیو کې ۸ قضيې د قتل، ۲ د غلا، ۱ د اخلاقي جرمونو، ۸ د مالي او اداري جرمونو، ۱ د نشه يي توکو او ۱۶۶ هم د نورو جرایمو په تړاو دي . . .

یکشنبه ۱۳۹۹/۱۲/۱۰ - ۱۱:۲۵
Background image

له کورني او بهرني امنیت ضد جرایمو سره د مبارزې او نظامي ۶۷ څارنوالان د هېواد د امنیتي او دفاعي ځواکونو د ملي ورځې په مناسبت فوق العاده ترفیع وکړه

څارنپوه محمد فرید حمیدي د دغو څارنوالانو د ترفیع د غونډې ګډونوالو او افغانانو ته د هېواد د امنیتي او دفاعي ځواکونو ملي ورځې د مبارکۍ تر څنګ هغو څارنوالانو ته چې ترفیع يې کړې وویل، د. . .

شنبه ۱۳۹۹/۱۲/۹ - ۱۴:۵۱
Background image

لویې څارنوالۍ کې د امنیتي او دفاعي ځواکونو د ملاتړ ملي ورځ د وینې په اهدا کولو ونمانځل شوه

دا غونډه د هېواد له امنیتي او دفاعي ځواکونو څخه د ملاتړ په موخه د افغانستان اسلامي جمهوري دولت لوی څارنوال څارنپوه محمدفرید حمیدي، د لویې څارنوالۍ د قضایي تعقیب چارو مرستیال غلام حیدر. . .

BACK TO NEWS