د هېواد لوی څارنوال د ولسي جرګې ټاکنو لپاره خپله رایه وکاروله

superadmin
شنبه ۱۳۹۷/۷/۲۸ - ۱۵:۵۱
41

د هېواد لوی څارنوال څارنپوه محمد فرید حمیدي د ۱۳۹۷ کال ولسي جرګې ټاکنو لپاره خپله رایه نن د دغه کال د تلې پر ۲۸ وکاروله.

څارنپوه محمد فرید حمیدي دا ورځ د هېوادوالو لپاره برخلیک ټاکونکې وبلله او له ټولو هېوادوالو یې وغوښتل، تر څو له دې حق څخه چې اساسي قانون ورته ورکړی، استفاده وکړي.

ښاغلي حمیدي له امنیتي ځواکونو څخه د مننې تر څنګ وویل، د امنیتي ځواکونو د لوړ همت او سرښندنو په برکت نن د افغانستان خلک د رايي اچونې له حق څخه استفاده کولا شي. نوموړي په همدې اړه زیاته کړه: «د افغانستان خلک باید د امنیتي ځواکونو خدمتونو ته د احترام لپاره د رایي اچونې صندوقونو ته لاړ او د حاکمیت د اعمال لپاره خپله رایه وکاروي».

لوی څارنوال هیله څرګنده کړه او ویې ویل، چې له امنیتي ننګونو سره سره بیا هم هېوادوال د رایې اچونې مرکزونو ته روان دي او دا د دې ښکارندويي کوي، چې د دې خاورې خلک راتلونکي ته هیله من او غواړي له دې لارې خپل راتلونکی وټاکي.

د افغانستان ولسي جرګې ته د هېواد له سراسر څخه ۲۵۰ کسان د ولس له خوا تر ټاکلو وروسته د پنځو کالو لپاره انتخابېږي. د نوي حکومت په راتګ سره تر دې دمه د ولسي جرګې دوه دوره انتخابات ترسره شوي او دا درېيم ځل دی، چې ولس د خپلو رايو له لارې د خپلې خوښې وړ نوماند انتخابوي.

 

تازه خبرونه

پنجشنبه ۱۳۹۹/۱۲/۲۹ - ۱۳:۴۶
Background image

لویه څارنوالۍ کې د کرونا ویروس د مخنیوي په اړه نیول شوي وقایوي تدابیر وارزول شول

د افغانستان اسلامي جمهوري دولت لویې څارنوالۍ، د کرونا ویروس د مخنیوي او په دې اړه د وقایوي تدابیرو په موخه، د یادې ادارې د مالي او اداري چارو مرستیال په مشرۍ کمېټه جوړه کړې ده. یادې. . .

چهارشنبه ۱۳۹۸/۱۲/۲۱ - ۱۴:۲۸
Background image

لویې څارنوالۍ په ۱۳۹۸ کال له اداري فساد سره د مبارزې برخه کې ۱۶۸۳ قضیې څېړلې دي

د افغانستان اسلامي جمهوري دولت لویې څارنوالۍ، په ۱۳۹۸ لمریز کال کې له اداري فساد سره د مبارزې مرستیالۍ له لارې، د ۵۰۶ ولایتي قضیو په شمول یو زر او ۶۸۵ قضیې ثبت کړې او څېړلې دي او د. . .

یکشنبه ۱۳۹۸/۱۲/۱۸ - ۱۰:۳۰
Background image

لویې څارنوالۍ په تېرو څلورو میاشتو کې د نشه یي توکو ۳۴۷ قضیې څېړلې دي

د افغانستان اسلامي جمهوري دولت لویې څارنوالۍ، د ۱۳۹۸ کال په وروستیو څلورو میاشتو کې له نشه یي توکو سره د مبارزې د ځانګړې څارنوالۍ له لارې، د نشه يي توکو ۳۴۷ قضیې ثبت کړې او څېړلې دي . .. . .

BACK TO NEWS