د یو ۱۳ کلن ماشوم قاتلین پر اعدام محکوم شول

ago_admin
یکشنبه ۱۳۹۸/۱۰/۲۹ - ۱۵:۱۴
عدلی قضایی

د کابل استیناف محکمې د کورني او بهرني امنیت پر وړاندې د جرمونو څېړنو دیوان قضايي پلاوي، د ۱۳۹۸ کال د مرغومي پر ۲۹ اسماعیل د علي احمد او نبي جان د میراجان زوی پر اعدام محکوم کړل. نوموړي کسان د نجم الدین د زوی فیصل د تښتونې او وژنې په تور اعدامېږي.

د مؤظف څارنوال د لاسته راوړنو پر بنسټ، یادو کسانو د ۱۳۹۸ کال د زمري پر ۱۰ دیارلس کلن ماشوم فیصل د کابل ښار له اتمې حوزې تښتولی او د خوشي کېدو په بدل کې یې د ۱۰۰ زره امریکایي ډالرو غوښتنه کړې ده.

د قضیې د څارنوال او کشفي بنسټونو لاسته راوړنې ښيي، چې تورنو کسانو لومړی فیصل وژلی او له دې وروسته یې په ټیلفوني اړېکې سره د نوموړي له کورنۍ څخه د پېسو غوښتنه کړې ده.

د قضیې مؤظف څارنوال د څېړنو تر بشپړاوي، د اتهام نامې او صورت دعوې له ترتیب او د جرم د اثبات لپاره د پنځو الزامي دلیلونو تر راوړنې وروسته د کابل ښار درېیمې حوزې د ابتدایي محکمې د پرېکړې په تائید، له محکمې غوښتې چې دوی اعدام کړي.

د قضایي پلاوي ناستې، د ۱۳۹۸ کال د لیندۍ پر نهمه د ۹۹ شمېرې پرېکړې په تائید چې د کابل ښار درېیمې حوزې د یادې قضیې په تړاو کړې، هر یو نبي جان د میراجان او اسماعیل د علي احمد زوی د جزا کود د ۵۴۷ مادې لومړۍ فقرې د لومړي، درېیم او شپږم بند په رعایتونې سره د همدې کود د ۵۹۱ او ۵۹۸ مادې له مخې پر اعدام محکوم کړل.

په ورته مهال کې د وژل شوي ماشوم پلار نجم الدین وویل: «که څه هم د محکمې پرېکړه زما زوی بېرته نه شي ژوندی کولای، خو د قاتلینو اعدام به یې نورو ته ښه درس شي.»

نوموړي د عدلي، قضایي او کشفي بنسټونو له اجرااتو خوښي څرګنده کړه او زیاته یې کړه، چې د ورته قضیو جدي څېړنه او پر مجرمینو د قانون پلي کول په ټولنه کې د جرمونو کچه راټيټولای شي.

تازه خبرونه

دوشنبه ۱۳۹۸/۱۲/۵ - ۹:۱۷
Background image

د لویې څارنوالۍ عالي شورا ناسته وشوه

د لویې څارنوالي عالي شورا ناسته د افغانستان اسلامي جمهوري دولت لوی څارنوال څارنپوه محمد فرید حمیدي په مشرۍ، د ۱۳۹۸ کال د کب پر څلورمه وشوه . . .

دوشنبه ۱۳۹۸/۱۱/۲۱ - ۱۳:۱۹
Background image

د محمداغې ولسوال پر لس کاله او شپږو میاشتو بند محکوم شو            

د اداري فساد له لویو جرمونو سره د مبارزې عدلي او قضايی مرکز استیناف محکمې، د ۱۳۹۸ کال د سلواغې پر ۲۱ د لوګر ولایت د محمداغې ولسوال نورمحمد د طلامحمد زوی، د ۱۸ میلونه افغانیو رشوت. . .

چهارشنبه ۱۳۹۸/۱۱/۱۶ - ۱۰:۲۶
Background image

اطلاعاتو ته د لاسرسي په اړه د ځینو رسنیو د اعلامیې په ارتباط د ا.ا.ج لویې څارنوالۍ اعلامیه

د ځینو رسنیو مسؤولانو د ۱۳۹۸ کال د سلواغې پر ۱۵ په کابل کې د یوې اعلامیې د اورولو په ترڅ کې وویل، چې ځینې دولتي ادارې د اطلاعاتو پر ورکړې محدودیت لګولی او ځینې ادارې یې د «تړلو ادارو». . .

BACK TO NEWS