لس کسان له واک څخه د ناوړه ګټې اخېستنې، غدر او تزویر په تور محاکمه شول

ago_admin
یکشنبه ۱۳۹۸/۲/۲۲ - ۱۶:۵۱
adly zasa

یاد شمېر کسان د اداري فساد له لویو جرمونو سره د مبارزې د عدلي او قضایي مرکز د ابتدایي محکمې له خوا، د ۱۳۹۸ کال د غويي پر ۲۲ په علني ډول محاکمه شول.

په دغه قضايي ناسته کې، د ملي دفاع وزارت د ستر درستیز صحیه رئیس برید جنرال احمدضیا یفتلي د عبدالسلام زوی، د صحیه ریاست مرستیال جنرال سیدحفیظ ظهور د سیدعالمشاه زوی، د تدارکاتو د پلاوي رئیس برید جنرال عبدالفتاح د غلام دستګیر زوی، د درملو د شپږ قلمو د تشریح رئیس ډګروال محمد حکیم د فیض محمد زوی، د درملو د تشریح پلاوي غړی ډګروال عبدالصمد د عبدالکریم زوی او د قراردادونو د نظارت مدیر ډګرمن نورالله د یارمحمد زوی محاکمه شول.

a

په یاده ناسته کې، محمدصابر د محمدطاهر زوی، ډګروال عبدالرحمن د میرګل زوی، د تدارکاتو د پلاوي غړی ډګروال محمدعارف د حاجي شیرین زوی او د افغان فارما شرکت مرستیال نثاراحمد د غلام سرور زوی هم محاکمه شول.

د دغې ناستې قضایي پلاوي، احمد ضیا یفتلي او سید حفیظ ظهور د غدر په تور او محمد حکیم، عبدالصمد، عبدالفتاح، محمدعارف، محمدصابر، عبدالرحمن او نورالله په یاده قضیه کې د لاس لرلو په تور، د جزا کود د ۱۷ او د جزايي اجرااتو قانون د ۲۰۹، ۲۱۲، او ۲۳۷ مادې په رعایتولو د جزا قانون د ۳۹ او ۱۷۰ مادې دویمې فقرې له مخې، هر یو په شپږـشپږ میاشتو تنفیذي بند محکوم کړل.

د یادې ناستې د قضايي پلاوي د پرېکړې پر بنسټ، نثاراحمد هم په یاده قضیه کې د لاس لرلو او د اسنادو د تزویر په تور، د جزا کود د ۱۷ مادې په پام کې نیولو سره د جزا قانون د ۳۹، ۱۵۶ او ۱۷۰ مادې د صراحت له مخې، په شپږ میاشتو تنفیذي بند محکوم شو.

همداراز د یادې محکمې قضايي پلاوي، د جزا قانون د ۴۸ مادې پر بنسټ د یادې قضیې له تورنو څخه د ضمانت په توګه د ۱۷ میلیونو او ۲۲۰ زره افغانیو د اخېستلو په هکله حکم صادر کړ.

تازه خبرونه

پنجشنبه ۱۳۹۹/۴/۵ - ۱۷:۲۶
Background image

لویې څارنوالۍ په تېرو شپږو میاشتو کې د ښځو پر ضد د تاوتریخوالي ۱۱۷۳ قضیې ثبت او څېړلې دي

لويې څارنوالۍ د روان مالي کال په تېرو شپږو میاشتو کې له ښځو سره د تاوتریخوالي ۱۱۷۳ قضيې ثبت کړې او څېړلې دي. یادې قضیې د جنسي تېري، وهل ډبولو، ځورونې، اجباري نکاح، په بدو کې ورکول، د. . .

پنجشنبه ۱۳۹۹/۱۲/۲۹ - ۱۳:۴۶
Background image

لویه څارنوالۍ کې د کرونا ویروس د مخنیوي په اړه نیول شوي وقایوي تدابیر وارزول شول

د افغانستان اسلامي جمهوري دولت لویې څارنوالۍ، د کرونا ویروس د مخنیوي او په دې اړه د وقایوي تدابیرو په موخه، د یادې ادارې د مالي او اداري چارو مرستیال په مشرۍ کمېټه جوړه کړې ده. یادې. . .

چهارشنبه ۱۳۹۸/۱۲/۲۱ - ۱۶:۱۹
Background image

لویه څارنوالۍ کې د ښځو ونډه نظامنده، مفهم لرونکې او د ډا‌ډ وړ ده

د افغانستان اسلامي جمهوري دولت لوی څارنوال څارنپوه محمد فرید حميدي، د ښځو د پیوستون نړیوالې ورځې(د مارچ اتمه) په نمانځغونډه کې وویل، چې د نرینه وو او ښځو له ګډون پرته عدالت ته لاسرسی. . .

BACK TO NEWS