له اداري فساد سره د مبارزې مرستیالۍ څلور کارکوونکي د( JSSP) دفتر له خوا وستایل شول

ago_admin
سه‌شنبه ۱۳۹۸/۶/۲۶ - ۱۰:۳۹
fasad edari

په افغانستان کې د عدلي سکتور د ملاتړ پروګرام دفتر (JSSP) د قضیو د ثبت مدیریت څلور کارکوونکي او د اداري فساد د جرمونو پر څېړنه او تنفیذ د څار څارنوالۍ رئیس د قضیو د ثبت له سیسټم څخه د اغېزناکې استفادې له امله د ۱۳۹۸ کال د وږي پر ۲۵وستایل.

په دغه پروګرام کې چې له اداري فساد سره د مبارزې چارو کې د لویې څارنوالۍ مرستیالۍ کې جوړ شوی و، له اداري فساد سره د مبارزې مرستیال خواجه عبدالحق احمدي او افغانستان کې د عدلي سکتور د ملاتړ پروګرام استازې ګډون درلود.

فساد اداری

له اداري فساد سره د مبارزې چارو کې د لویې څارنوالۍ مرستیال، په افغانستان کې د قانون حاکمیت د بهیر د ملاتړ په برخه کې د JSSP دفتر له همکاریو په ځانګړې توګه له لویې څارنوالۍ سره د یادو بنسټونو له همکاریو مننه وکړه او د قضیو د ثبت سیسټم(CMS) څخه پر اغېزناکه استفادې یې ټينګار وکړ او ویې ویل: «د قضیو د ثبت سیسټم څخه ګټه اخېستنه، د ادارې د وضعیت د ښه والي په موخه ستاسې کړنې، قضیو ته پر وخت رسیدګي او د خلکو خدمت کول ځانګړی ارزښت لري.» ښاغلي احمدي همداراز د یادې برخې کارکوونکي او مسؤولان هم وستایل او زیاته یې کړه: «موږ ژمن یو چې د قضیو د ثبت سیسټم پیاوړی کړو او هڅه کوو، قضیو ته د رسیدګۍ او اجرااتو په موخه له یاد سیسټم څخه پر وخت او قانوني ډول اغېزناکه استفاده وشي.»

د یادونې وړ ده، چې افغانستان کې د عدلي سکتور د ملاتړ پروګرام(JSSP) چې د هېواد له عدلي او قضایي بنسټونو سره همکاري کوي، د امریکا د متحده ایالاتو له خوا تمویلېږي.

تازه خبرونه

پنجشنبه ۱۳۹۹/۱۲/۲۹ - ۱۳:۴۶
Background image

لویه څارنوالۍ کې د کرونا ویروس د مخنیوي په اړه نیول شوي وقایوي تدابیر وارزول شول

د افغانستان اسلامي جمهوري دولت لویې څارنوالۍ، د کرونا ویروس د مخنیوي او په دې اړه د وقایوي تدابیرو په موخه، د یادې ادارې د مالي او اداري چارو مرستیال په مشرۍ کمېټه جوړه کړې ده. یادې. . .

چهارشنبه ۱۳۹۸/۱۲/۲۱ - ۱۶:۱۹
Background image

لویه څارنوالۍ کې د ښځو ونډه نظامنده، مفهم لرونکې او د ډا‌ډ وړ ده

د افغانستان اسلامي جمهوري دولت لوی څارنوال څارنپوه محمد فرید حميدي، د ښځو د پیوستون نړیوالې ورځې(د مارچ اتمه) په نمانځغونډه کې وویل، چې د نرینه وو او ښځو له ګډون پرته عدالت ته لاسرسی. . .

چهارشنبه ۱۳۹۸/۱۲/۲۱ - ۱۴:۲۸
Background image

لویې څارنوالۍ په ۱۳۹۸ کال له اداري فساد سره د مبارزې برخه کې ۱۶۸۳ قضیې څېړلې دي

د افغانستان اسلامي جمهوري دولت لویې څارنوالۍ، په ۱۳۹۸ لمریز کال کې له اداري فساد سره د مبارزې مرستیالۍ له لارې، د ۵۰۶ ولایتي قضیو په شمول یو زر او ۶۸۵ قضیې ثبت کړې او څېړلې دي او د. . .

BACK TO NEWS