له کورني او بهرني امنیت ضد جرایمو سره د مبارزې او نظامي ۶۷ څارنوالان د هېواد د امنیتي او دفاعي ځواکونو د ملي ورځې په مناسبت فوق العاده ترفیع وکړه

Hussain_admin
یکشنبه ۱۳۹۹/۱۲/۱۰ - ۱۱:۲۵
ago

څارنپوه محمد فرید حمیدي د دغو څارنوالانو د ترفیع د غونډې ګډونوالو او افغانانو ته د هېواد د امنیتي او دفاعي ځواکونو ملي ورځې د مبارکۍ تر څنګ هغو څارنوالانو ته چې ترفیع يې کړې وویل، د لویې څارنوالۍ د رهبري له خوا ستاسې فوق العاده ترفیع د قانون د تطبیق، د عدالت د تأمین او خدمت کولو په برخه کې ستاسې هڅو ته ارزښت ورکول دي.

په دې غونډه کې د لوی څارنوال په ګډون، له ښځو سره د تاوتریخوالي د مخنیوي د چارو د لویې څارنوالۍ مرستیالې سینا شنا منصور او د دې ادارې ځینو رئیسانو ګډون کړی و. دا غونډه د ۱۳۹۹ لمریز کال د لویې څارنوالۍ د عالي شورا د غونډو په تالار کې وشوه.

د دغو څارنوالانو په ډله کې چې ترفیع يې کړې، ۲۳ څارنوالانې او څلور څارنوالان له مرکزه او ۴۰ هم له ولایتونو څخه وو.

د هېواد لوی څارنوال دغو څارنوالانو ته چې د خدمت جوګه شوې وو، وویل: «په لویه څارنوالۍ کې مشارکت باید د افغانستان د خلکو، قومیتونو، ټولو قشرونو او ډلو هېنداره وي.»

ښاغلي حمیدي د دغو څارنوالانو له کورنیو چې د دوی ملاتړ يې کړی او په لویې څارنوالۍ کې يې د کار فرصت ورکړی، مننه وکړه او دغو څارنوالانو ته يې د بریا هیله وکړه.

بلخوا د ښځو پر وړاندې د تاوتریخوالي د مخنیوي او د ماشومانو د سرغړاویو په چارو کې د لویې څارنوالۍ مرستیالې سینا شنا منصور امنیتي او دفاعي ځواکونو ته د دې ورځې د مبارکۍ تر څنګ وویل، چې د لویې څارنوالۍ رهبري هڅه کوي، ټولو کارکوونکو په ځانګړې توګه ښځینه کارکوونکو ته خوندي کاري چاپېریال رامنځته کړي. نوموړې په دې اداره کې د ښځو مشارکت او د کاري زمینې د برابرولو په پار د لوی څارنوال مننه وکړه.

دا په داسې حال کې ده، چې لویه څارنوالي په مرکز او ولایتونو کې هر کال د امنیتي او دفاعي ځواکونو ملي ورځ، ټپی سرتېرو ته د وینې په اهدا کولو نمانځي.

تازه خبرونه

یکشنبه ۱۴۰۰/۱/۱۵ - ۱۵:۲۲
Background image

ذبیح الله کلیم د لویې څارنوالۍ د سرپرست او نوماند په توګه معرفي شو

د نوموړي د معرفۍ غونډه د جمهور رئيس دویم مرستیال قانونپوه استاد سرور دانش، د لویې څارنوالۍ مرستیالانو او رئیسانو، د شهدا او معلولینو وزارت سرپرست، د جمهوري ریاست د چارو ادارې مرستیال، د. . .

یکشنبه ۱۴۰۰/۱/۱۵ - ۱۱:۳۶
Background image

۶۴ زده کړندویان په لویه څارنوالي کې جذبېږي

په همدې موخه یوه ازموینه د ۵۰۹ کسانو په ګډون د ۱۴۰۰ لمریز کال د وري پر اتمه د لويې څارنوالۍ د کنفرانسونو په تالار کې ترسره شوه. په دې ازموینه کې د نجونو او هلکانو په ګډون ۸۸۶ کسان چې په. . .

چهارشنبه ۱۴۰۰/۱/۱۱ - ۱۳:۳۹
Background image

یو کس د دوکې، د القابو د انتحال او کمېشنکارۍ په تور ونیول شو

د لويې څارنوالۍ د کنټرول او مراقبت څارنوالۍ عمومي ریاست یو کس د فریبکارۍ، د القابو د انتحال او کمېشنکارۍ په تور ونیوه. دا کس د لویې څارنوالۍ د شکایتونو او اطلاعاتو ځانګړې ۱۸۰ شمېرې سره. . .

BACK TO NEWS