لويې څارنوالۍ کې د حقوقي زده کړو (ستاژ دورې) ازموینه واخیستل شوه

ago_admin
پنجشنبه ۱۳۹۹/۶/۲۷ - ۱۵:۳۰
exam

دا ازموینه د تحقیق په چارو کې د لوی څارنوال مرستیال فرید احمد غوري، په مالي او اداري چارو کې د لوی څارنوال مرستیال وحیدالدین ارغون، د بشري سرچینو عمومي رئيس محمدناصر همت، د دې ادارې د ځینو نورو رئیسانو او د کابل پوهنتون د حقوقي زده کړو ملي مرکز د استازي په حضور کې نن پنجشنبه د ۱۳۹۹ لمریز کال د وږي پر ۲۷ د لویې څارنوالۍ په دارالامان ودانۍ کې واخیستل شوه.

دغې ازموینې ته له مرکز او ولایتونو څخه د لويې څارنوالۍ ۲۳۷ کارکوونکو چې ۱۹۵ يې نارینه او ۳۷ يې ښځينه وو، د ګډون غوښتنه کړې وه، چې له دې ډلې ۱۷۲ کسانو د ازموینې شرایط پوره کړي وو او ۶۰ کسان به د کابل پوهنتون د حقوقي زده کړو ملي مرکز ته لاره پيدا کړي.

په مالي او اداري چارو کې د لوی څارنوال مرستیال د ازموینې په پرانیسته کې وویل: «لویه څارنوالي په مرکز او ولایتونو کې د خپلو مسلکي او اداري کارکوونکو پر ظرفیت لوړاوي ټینګار کوي او په دې برخه کې يې بېلابېل لنډمهالي او اوږدمهالي روزنیز پروګرامونه جوړ کړي دي.»

exam

نوموړي زیاته کړه، چې د لويې څارنوالۍ کارکوونکي د لیسانس او ماسټرۍ له زده کړو سره سره د عدالت د ښه ټینګښت او د قانون د واکمنۍ په موخه په نورو مسلکي زده کړو هم بوخت دي. ښاغلي ارغون وویل، چې په همدې موخه لویه څارنوالي هر کال خپل ۶۰ کارکوونکي چې له حقوق او شرعیاتو فارغ وي، د کابل پوهنتون د حقوقي زده کړو ملي مرکز ته ورپېژني.

په مالي او اداري چارو کې د لوی څارنوال مرستیال وویل، چې پخوا دا کسان د لویې څارنوالۍ د رهبرۍ له خوا غوره کېدل؛ خو اوس دا پروسه د ازادې سیالۍ له لارې کېږي، چې دا د ظرفیتونو د لوړاوي او د عدالت په ټینګښت کې مرسته کوي.

د نوموړي په وینا، که څه هم مسلکي برخو ته د اداري کارکوونکو معرفي کول یو لویه ننګونه ده؛ خو د ادارې رهبري د اداري برخې د دندو د لایحې د تغییر په هڅه کې ده، چې تر دې وروسته به د شرعیاتو او حقوقو پوهنځیو فارغان پر ادارې برخو ونه ګومارل شي. ښاغلي ارغون وویل، له دې سره به موږ وکولای شو، چې په اداري برخه کې دایمي کارکوونکي جذب کړو.

په مالي او اداري چارو کې د لوی څارنوال مرستیال زیاته کړه، چې زده کړه د کار او ذهنیت په مثبت بدلون کې رغنده رول لوبوي؛ نو د عدلي او قضايي برخې او نورو برخو کارکوونو ته پکار ده، چې د ظرفیت لوړاوي په موخه خپلې هڅې جاري وساتي.

نوموړي ګډونوالو ته په اشارې سره وویل، چې د دغې ازموینې د ګډونوالو سوانح او کاري سوابق په سمه توګه ارزول شوي او که تر ازموینې وروسته کوم ګډونوال له خپلې پایلې راضي نه وي، نو د لويې څارنوالۍ د شکایاتو کمېټې ته خپل شکایت وړاندې کولای شي. نوموړي ټینګار وکړ، چې دا کمېټه په رڼه توګه د شکایت کوونکو شکایتونو ته رسېدنه کوي.

دا په داسې حال کې ده، چې لویې څارنوالۍ خپل مسلکي او اداري کارکوونکي د لیسانس او ماسټرۍ او همداراز په کور دننه او بهر کې لنډمهالو کورسونو ته معرفي کړي دي.

تازه خبرونه

دوشنبه ۱۳۹۹/۷/۲۸ - ۱۶:۳۷
Background image

د تحقیق په چارو کې د لويې څارنوالۍ مرستیالۍ د دغه ادارې له اووه ګونو زونونو سره د همغږۍ غونډه وکړه

د تحقیق په چارو کې د لوی څارنوال مرستیال فرید احمد غوري د دغې ادارې له اووه ګونو زنونو او له ښځو سره د تاوتریخوالي او ماشومانو د سرغړاوي د مخنیوي څارنوالۍ او د تحقیق څارنوالۍ ریاستونو. . .

شنبه ۱۳۹۹/۷/۲۶ - ۱۶:۲۱
Background image

له حکمي او حقیقي پوروړو د دولت خزانې ته په درېیو ورځو کې څه باندې لس میلیونه افغانۍ راټولې شوې

له حکمي او حقیقي اشخاصو د دولت د پورونو د حصول کمېسیون د غړو په ناسته کې د ښارجوړونې وزارت د عوایدو رئيس د دولت خزانې ته د لس میلیونه، ۵۲۹ زره او پنځه سوه افغانیو د راټولو خبر ورکړ.

دا. . .

سه‌شنبه ۱۳۹۹/۷/۲۲ - ۱۲:۹
Background image

د نورم او ستندرد ادارې سرپرست د ۱۰۰ زره امریکايي ډالرو د رشوت اخیستلو په تور په ۱۶ کاله حبس او د دندې پر انفصال په مجازاتو محکوم شو

د نورم او ستندرد ریاست سرپرست محمد موسی علمي، تخنیکي مرستیال جاوید صدیقي او د دغې ادارې د ارزونې ریاست سرپرست احسان الله حیات د سل زرو امریکايي ډالرو د رشوت اخیستلو په تور د ۱۳۹۹ لمریز. . .

BACK TO NEWS