لويې څارنوالۍ کې د ښځینه کارکوونکو خوندیتوب او د شمېر زیاتوالی زموږ کاري لومړیتوب دی

Hussain_admin
دوشنبه ۱۳۹۹/۱۱/۲۷ - ۱۶:۲۶
جندر

د لویې څارنوالۍ د ښځو د ملاتړ رئیسې لیدا حیدري د جنډر او د قضیو د ثبت سیسټم د اساساتو په غونډه کې وویل: «په لویې څارنوالۍ کې د ښځينه کارکوونکو د شمېر زیاتوالی او خوندیتوب زموږ کاري لومړیتوب دی، چې له نېکه مرغه په دې برخه کې د پام وړ پرمختګ شوی دی.»

دا پروګرام چې ټاکل شوی درې ورځې دوام وکړي، د لويې څارنوالۍ د ښځو د ملاتړ ریاست له خوا د افغانستان د عدلي سکتور د ملاتړ پروګرام (JSSP) په مرسته نن دوشنبه د ۱۳۹۹ لمریز کال د  سلواغې پر ۲۷ د لويې څارنوالۍ کارکوونکو ته دایر شو.

اغلې حیدري د دغه پروګرام موخه د جنډر د مفاهمیو، د قضیو د ثبت د سیسټم او د ښځو د ځورونې د مخنیوي قانون په تړاو د کارکوونکو پوهاوی وباله. نوموړې د کارکوونکو پر ظرفیت لوړاوي ټینګار وکړ او ويې ویل، دغه ریاست په دې برخه دوامداره هڅې کړې دي.

د لويې څارنوالۍ د ښځو د ملاتړ رئيسې له ګډونوالو وغوښتل، چې په دې پروګرام کې فعال ګډون وکړي او خپل نظریات له دغه ریاست سره شریک کړي. د نوموړې په وینا، د ګډونوالو نظریات د دغه ریاست پر راروانو غونډو ارزښتاک رول لوبولی شي. اغلې حیدري همداراز له ګډونوالو وغوښتل، په دې غونډه کې زده شوي مسایل له خپلو همکارانو سره شریک کړي.

ټاکل شوې په یاد شوي پروګرام کې د قضیو د ثبت مدیریت سیسټم، د جنډر مفاهیمو، جنډر ته د ځواب ویونکې بودیجې، د ښځو د ځورونې د مخنیوي قانون او د ښځو د ځورونې کمېټې د دندو او واکونو په تړاو په مفصله توګه ګډونوالو ته معلومات ورکړل شي.

د یادونې وړ ده، چې د لویې څارنوالۍ د ملاتړ ریاست په مرکز او ولایتونو کې د جنډر په تړاو بېلابېلې پرله پسې روزنیز پروګرامونه دي او په پام کې ده، چې په راتلونکي کې د دغې ادارې ټولو کارکوونکو ته ورته روزنیز پروګرامونه دایر کړي.

تازه خبرونه

سه‌شنبه ۱۳۹۹/۱۲/۱۲ - ۱۳:۵۵
Background image

لویې څارنوالۍ د ۱۳۹۹ لمریز کال په سلواغې کې د عسکري جنايي جرمونو ۱۸۵ قضیو ته رسېدنه کړې

په دغو قضیو کې ۸ قضيې د قتل، ۲ د غلا، ۱ د اخلاقي جرمونو، ۸ د مالي او اداري جرمونو، ۱ د نشه يي توکو او ۱۶۶ هم د نورو جرایمو په تړاو دي . . .

یکشنبه ۱۳۹۹/۱۲/۱۰ - ۱۱:۲۵
Background image

له کورني او بهرني امنیت ضد جرایمو سره د مبارزې او نظامي ۶۷ څارنوالان د هېواد د امنیتي او دفاعي ځواکونو د ملي ورځې په مناسبت فوق العاده ترفیع وکړه

څارنپوه محمد فرید حمیدي د دغو څارنوالانو د ترفیع د غونډې ګډونوالو او افغانانو ته د هېواد د امنیتي او دفاعي ځواکونو ملي ورځې د مبارکۍ تر څنګ هغو څارنوالانو ته چې ترفیع يې کړې وویل، د. . .

شنبه ۱۳۹۹/۱۲/۹ - ۱۴:۵۱
Background image

لویې څارنوالۍ کې د امنیتي او دفاعي ځواکونو د ملاتړ ملي ورځ د وینې په اهدا کولو ونمانځل شوه

دا غونډه د هېواد له امنیتي او دفاعي ځواکونو څخه د ملاتړ په موخه د افغانستان اسلامي جمهوري دولت لوی څارنوال څارنپوه محمدفرید حمیدي، د لویې څارنوالۍ د قضایي تعقیب چارو مرستیال غلام حیدر. . .

BACK TO NEWS