لویې څارنوالۍ  د چنګاښ میاشت کې ۳۱۸ جنایي قضیې څېړلې دي

ago_admin
چهارشنبه ۱۳۹۸/۵/۲ - ۱۳:۳۰
ago

د افغانستان اسلامي جمهوري دولت لویې څارنوالۍ د عسکري چارو مرستیالۍ، د ۱۳۹۸ کال د چنګاښ میاشت کې د عسکري برخې ۳۱۸ جنایي قضیې د هېوادوالو د شرعي او بشري حقونو په رعایتولو، انساني کرامت ته په درناوي، بې پرې او خپلواکه توګه د هېواد د نافذه قوانینو او خپل واک له مخې ثبت کړې او څېړلې دي.

له یاد شمېر قضیو څخه ۱۱۱ قضیې د دعوې او اتهام نامې له ترتیب وروسته ابتدایي محکمې ته استول شوې، چې په ۳۶ قضیو یې پرېکړه کړې او په پاتې نورو کار کوي.

له دغو جرمي قضیو څخه ۳۲ قضیې د استیناف محکمې له خوا فیصله شوې، د ۶۸ قضیو ابتدایي مراحل بشپړ شوي، ۱۸ قضیې د لازمو او مناسبو دلیلونو د نشتوالي له امله حفظ شوې او ۱۴ نورې مستردې شوې دي.

له یادو قضیو څخه ۱۳ قضیې د وژنې، لواطت، غلا، دوکې او دښمن ته د تسلیمۍ او له وطن سره د خیانت کولو په اړه همداراز ۱۷۳ نورې د وسلې د ورکېدو، له واک څخه د ناوړه ګټې اخېستنې، له دندې څخه د غیابت، رشوت او داسې نورو جرمونو په اړه دي.

په یادو جرمونو کې د نغدي جریمې له امله، یو میلیون او نهه سوه او ۶۶ زره او ۷۰۶ افغانۍ په لاس راغلې او د دولت په پرېکنده حساب مرکزي بانک ته استول شوې دي.

تازه خبرونه

چهارشنبه ۱۳۹۹/۵/۲۲ - ۱۶:۱۳
Background image

د سرپل امنیه قوماندان او د ترافیکو مدیر په شپږ-شپږ میاشتو بند محکوم شول

مل پاسوال خلیل‌الله دستیاري د سرپل پخوانی امنیه قوماندان او د یاد ولایت د ترافیکو مدیر عبدالغفار د صلاحیت لرونکو مراجعو د امرونو او احکامو د نه رعایت او یا د یادو امرونو او احکامو د. . .

سه‌شنبه ۱۳۹۹/۵/۷ - ۱۶:۱۱
Background image

د افغانستان درې رنګه بیرغ؛ د افغانانو هویت، مینه، غرور او ویاړ دی

د افغانستان اسلامي جمهوري دولت لوی څارنوال څارنپوه محمدفرید حمیدي، د زمري اوومې د هېواد د بیرغ ملي ورځې په نمانځغونډه کې وویل، د زمري اوومه د افغانانو لپاره یوه تاریخي ورځ ده، چې دا د. . .

جمعه ۱۳۹۹/۴/۲۷ - ۸:۷
Background image

د لویې څارنوالۍ د درییو الحاقیه بلاکونو د رغونې چارې پيل شوې

دغه درې بلاکه چې تمه ده، له ۲۴ کاري میاشتو کمه موده کې د دوه سوه پنځه اویا میلیونو افغانیو په ارزښت د دغې ادارې د دارالامان ودانۍ کې جوړ شي، د ۱۳۹۹ لمریز کال د چنګاښ پر ۲۶ یې د بنسټ. . .

BACK TO NEWS