لویې څارنوالۍ په ۱۳۹۸ کال له اداري فساد سره د مبارزې برخه کې ۱۶۸۳ قضیې څېړلې دي

ago_admin
چهارشنبه ۱۳۹۸/۱۲/۲۱ - ۱۴:۲۸
ago

د افغانستان اسلامي جمهوري دولت لویې څارنوالۍ، په ۱۳۹۸ لمریز کال کې له اداري فساد سره د مبارزې مرستیالۍ له لارې، د ۵۰۶ ولایتي قضیو په شمول یو زر او ۶۸۵ قضیې ثبت کړې او څېړلې دي او د څېړنې تر بشپړاوي وروسته یې محکمو ته هم استولې دي.

له دې ډلې ۳۰۸ قضیې بشپړې شوې او په تړاو یې ۸۷۵ کسان پر بند او نغذي سزا محکوم شوي دي. همداراز د دغو قضیو له امله د ۱۱ کسانو دندې تعلیق شوې، ۵۳ کسان توقیف شوي او ۳۱۲ په ضمانت ازاد او یو هم ممنوع الخروج شوی دی.

له دغو جرمي قضیو څخه پر ۱۹۶ قضیو په استیناف محکمه کې پرېکړه شوې، د ۱۴۱ محاکماتي پړاوونه بشپړ، ۱۲۷ د مناسبو دلیلونو د نشتون له امله حفظ، ۹۶ مستردې او ۱۹۱ نورې هم د احالې قرار په وسیله بېلابېلو مراجعو ته لېږل شوې دي.

په دغو قضیو کې، ۱۴۰ د اسنادو د غلا، ۱۳۲ له واکه د ناوړه ګټې اخېستنې، ۲۱ د اختلاس، ۵۲ د اسنادو د تزویر او پاتې یې د بېلابېلو جرمونو په اړه دي.

د یاد شمېر قضیو د څېړنې، نغدي سزا او په لاس راغلي اختلاس او رشوت په پایله کې ۱۱۳ میلیونه و ۲۴۶ زره او ۳۶۵ افغانۍ او ۴۲ زره او ۳۳۹ امریکایي ډالر په لاس راغلي او په پرېکنده حساب د دولت خزانې ته سپارل شوي دي. 

تازه خبرونه

پنجشنبه ۱۳۹۹/۶/۲۷ - ۱۵:۳۰
Background image

لويې څارنوالۍ کې د حقوقي زده کړو (ستاژ دورې) ازموینه واخیستل شوه

دا ازموینه د تحقیق په چارو کې د لوی څارنوال مرستیال فرید احمد غوري، په مالي او اداري چارو کې د لوی څارنوال مرستیال وحیدالدین ارغون، د بشري سرچینو عمومي رئيس محمدناصر همت، د دې ادارې د. . .

دوشنبه ۱۳۹۹/۶/۲۴ - ۱۶:۸
Background image

د ممنوع الخروج کسانو د ډېټابیس جوړولو په هکله ګډه ناسته وشوه

دغه ناسته د احکامو پر تنفیذ او د حبس و حجز د بدیل څارنوالۍ عمومي رئیس څارنمل محمداسعد ساپي په مشرۍ د حامد کرزي نړیوال هوایي ډګر رئیس سیدعمر صبور، د بهرنیو چارو وزارت د قونسلۍ ریاست، د. . .

پنجشنبه ۱۳۹۹/۶/۱۳ - ۱۶:۱۴
Background image

د جنډر په هکله د پوهاوي روزنیز پروګرام جوړ شو

دغه دوه ورځنی پروګرام د لویې څارنوالۍ له ښځو د ملاتړ ریاست لخوا د ملل متحد پراختیا ادارې(UNDP) په ملاتړ د ۱۳۹۹ لمریز کال د وږي پر دولسمه او دیارلسمه د کورني او بهرني امنیت پر ضد د. . .

BACK TO NEWS