په عسکري چارو کې د لویې څارنوالۍ مرستیالۍ ۱۴۱۳۹ قضیې ثبت کړې او څېړلې دي

Ago
سه‌شنبه ۱۳۹۷/۱۰/۴ - ۱۴:۰
61

په عسکري چارو کې د لویې څارنوالۍ د راپور له مخې، په ۱۳۹۷ مالي کال کې د هېواد په کچه څوارلس زره  و ۱۳۹ جنایي پېښې شوې، چې یو زره و ۶۹۴ یې جرمي او دوولس زره و ۴۴۵ نورې یې د بېلابېلو مواردو په اړه دي.

د یاد شوي راپور له مخې، د دغو قضیو له جملې څخه دوولس زره و ۳۴۰ قضیې د دعوې او اتهام نامې له ترتیب وروسته وروستۍ محکمې ته سپارل شوې.

دغه راپور ښیي، چې د یادو شویو قضیو له جملې څخه ۸۱۴ قضیې تر کار لاندې، ۳۵۷ اړونده مراجعو ته استول شوې او ۴۴۹ نورې د مناسبو دلایلو د نشتون له امله ساتل شوې دي.

په دغه راپور کې راغلي، چې ۵۱۴ قضیې د قتل، ۳۷۸ د ترافیکي پېښو، ۱۵۰ د غلا، ۷۴ د اخلاقي جرمونو، ۳۸ د نشه‌یي توکو او ۵۴۰ نورې یې د دوکې (فرېبکارۍ)، جعل او تزویر، رشوت، ناقانونه غوښتنو او اختلاس په اړه دي.

په دغه راپور کې د قضیو د راغلې شمېرې له مخې، له نغدي جرمي، اختلاس، نشه‌یي توکو او د ځینو نظامي کارکوونکو د معاش پنځوس سلنه چې په نغدي جریمه محکوم شوي،اته‌ویشت میلیونه و ۴۰۴ زره او ۳۰۵ افغانۍ او دوه زره و ۶۸۳ امریکایي ډالر په لاس راغلي او د دولت پر پرېکنده حساب مرکزي بانک ته استول شوي دي.

تازه خبرونه

سه‌شنبه ۱۳۹۸/۷/۳۰ - ۱۲:۵۸
Background image

د لویې څارنوالۍ د مرکزي زون کارکوونکو ته د جنډر او د ښځو او ماشومانو د ځورنې د مخنیوي قانون په اړه د پوهاوي پروګرام جوړ شو

دا دوه ورځنۍ پروګرام د ملګرو ملتونو سازمان (UNDP) د پراختیایي پروګرام  له خوا، د یادې ادارې د مرکزي زون ۳۰ کارکوونکو ته د ۱۳۹۸ کال د تلې پر ۲۹ جوړ شو . . .

یکشنبه ۱۳۹۸/۷/۲۸ - ۱۵:۵
Background image

لویې څارنوالۍ په تلې میاشت کې د نشه یي توکو د قاچاق ۲۵۶ قضیې څېړلې دي

د افغانستان د اسلامي جمهوري دولت لویې څارنوالۍ، انساني کرامت ته په درناوي او د هېواد د نافذه قوانینو او هېوادوالو د شرعي او بشري حقونو په رعایتونې سره د ۱۳۹۸ کال په تلې میاشت کې له نشه. . .

یکشنبه ۱۳۹۸/۷/۲۸ - ۱۰:۳۷
Background image

له اداري فساد سره د مبارزې چارو کې د لویې څارنوالۍ د مرستیالۍ کارکوونکو ته د جنډر په اړه د پوهاوي پروګرام جوړ شو

دا روزنیز پروګرام د لویې څارنوالۍ د ښځو د ملاتړ ریاست له خوا، له اداري فساد سره د مبارزې چارو کې د لویې څارنوالۍ د مرستیالۍ ۲۵ کارکوونکو ته د ۱۳۹۸ کال د تلې پر ۲۷ د یادې ادارې د کتابتون. . .

BACK TO NEWS