په کابل پوهنتون کې د ماسټرۍ لپاره د لویې څارنوالۍ له کارکوونکو ازموینه واخیستل شوه

superadmin
دوشنبه ۱۳۹۷/۷/۱۶ - ۱۵:۵۱
37

د لویې څارنوالۍ او لوړو زده کړو وزارت تر منځ د شوي هوکړه لیک پر اساس په کابل پوهنتون کې د ماسټرۍ دورې لپاره په دوو څانګو جزا او جرم پېژندنې او اداره او عامه پالیسۍ څانګو کې ازموینه واخیستل شوه. دا ازموینه په شفاف ډول د لویې څارنوالۍ او د لوړو زده کړو وزارت د استازیو په حضور کې د ۱۳۹۷ کال د تلې پر ۱۶ واخیستل شوه.

د لويې څارنوالۍ مالي او اداري مرستیال وحیدالدین ارغون وویل، چې په عدلي او قضايي ادارو کې ظرفیت لوړونې یو جدي امر ګڼل کېږي؛ نو پر همدې اساس لویه څارنوالي د خپلو کارکوونکو د ظرفیت لوړونې په موخه نن د کابل پوهنتون په مرسته څارنوالانو ته د ماسټرۍ دورې د ازموینې زمینه برابروي.

ښاغلي ارغون همداراز زیاته کړه: «هغه څارنوالان چې د ماسټرۍ دوره په بریالیتوب پای ته ورسوي، د عدالت او روڼتیا په تأمین، د قضیو د څېړنې په کره توب او همداراز په چټکۍ د کارونو په مدیریت کې له موږ سره ګټوره مرسته کولی شی.»

په ورته وخت د کابل پوهنتون د ماسټرۍ او دکتورا د بورډ غړي پوهاند قیوم عارف وویل، چې کابل پوهنتون په بېلابېلو رشتو کې د ماسټرۍ پروګرامونه پيل کړي دي او خوښ دی، چې نن د لويې څارنوالۍ سره د یوه هوکړه لیک پر اساس د دغې ادارې له کارکوونکو په دې برخه کې ازموینه اخیستل کېږي.

ورپسې، د کابل پوهنتون د نن ورځې له غوښتنو سره سم، په بېلابېلو پوهنځیو کې د ماسټرۍ برنامې پيل کړې دي او دغه پوهنتون ځینو نورو دولتي ادارو ته هم د ماسټرۍ د برنامو زمینه برابره کړې ده.  

د یادونې وړ ده، چې دغې ازموینې ته ۳۸۴ څارنوالانو غوښتنلیکونه سپارلي و، چې د حقوق او سیاسي علومو د ماسټرۍ د برخې د بورډ له خوا يې د اسنادو تر څېړلو وروسته ۲۶۴ کسانو وکولای شول، چې ازموینې ته لاره پيدا کړي. د دغو کسانو له ډلې به دېرش محصلان د جزا او جرم پېژندنې په څانګه او دېرش نور به د اداره او عامه پالیسۍ په څانګه کې ومنل شي.

هېرده دې نه وي، چې د لویې څارنوالۍ او لوړو زده کړو وزارت تر منځ د روان کال د جوزا په میاشت کې د ماسټرۍ پروګرام پنځه کلن هوکړه لیک امضا شو، چې له مخې به يې هر کال ۶۰ څارنوالان د لوړو زده کړو له خوا د ماسټرۍ په برخه کې به د کابل پوهنتون د حقوقو او سیاسي علومو په پوهنځي کې منل کېږي.

  

 

تازه خبرونه

پنجشنبه ۱۳۹۹/۱۲/۲۹ - ۱۳:۴۶
Background image

لویه څارنوالۍ کې د کرونا ویروس د مخنیوي په اړه نیول شوي وقایوي تدابیر وارزول شول

د افغانستان اسلامي جمهوري دولت لویې څارنوالۍ، د کرونا ویروس د مخنیوي او په دې اړه د وقایوي تدابیرو په موخه، د یادې ادارې د مالي او اداري چارو مرستیال په مشرۍ کمېټه جوړه کړې ده. یادې. . .

چهارشنبه ۱۳۹۸/۱۲/۲۱ - ۱۶:۱۹
Background image

لویه څارنوالۍ کې د ښځو ونډه نظامنده، مفهم لرونکې او د ډا‌ډ وړ ده

د افغانستان اسلامي جمهوري دولت لوی څارنوال څارنپوه محمد فرید حميدي، د ښځو د پیوستون نړیوالې ورځې(د مارچ اتمه) په نمانځغونډه کې وویل، چې د نرینه وو او ښځو له ګډون پرته عدالت ته لاسرسی. . .

چهارشنبه ۱۳۹۸/۱۲/۲۱ - ۱۴:۲۸
Background image

لویې څارنوالۍ په ۱۳۹۸ کال له اداري فساد سره د مبارزې برخه کې ۱۶۸۳ قضیې څېړلې دي

د افغانستان اسلامي جمهوري دولت لویې څارنوالۍ، په ۱۳۹۸ لمریز کال کې له اداري فساد سره د مبارزې مرستیالۍ له لارې، د ۵۰۶ ولایتي قضیو په شمول یو زر او ۶۸۵ قضیې ثبت کړې او څېړلې دي او د. . .

BACK TO NEWS