د لویې څارنوالۍ او د کابل ختیځ زون د کلیو د وکیلانو تر منځ د همغږۍ ناسته وشوه

Yama
چهارشنبه ۱۳۹۷/۱۱/۱۷ - ۱۶:۵۸
zoon sharq

دغه ناسته د هېواد د لوی څارنوال څارنپوه محمد فرید حمیدي، د ختیځ زون د استیناف څارنوالۍ د رئيس ډاکتر جمیل الرحمن کامګار، د کابل ولایت د عسکري استیناف څارنوالۍ د رئیس محمد نواب احمدزي او ځینو څارنوالانو او د دغه زون د کلي د وکیلانو په ګډون د ۱۳۹۷ کال د سلواغې پر ۱۷ د لویې څارنوالۍ د دارالامان په ودانۍ کې وشوه.

د هېواد لوی څارنوال څارنپوه محمد فرید حمیدي په دغه ناسته کې وویل، چې دا ناسته له هېوادوالو سره د نږدې، دوامداره او مستقیمو اړیکو د پاللو په موخه کېږي. ښاغلي حمیدي ټينګار وکړ، چې لویه څارنوالي د هر ډول جرمونو او سرغړونو پر وړاندې پرېکنده دريځ لري او د همدې موخې لپاره هڅه کوي، چې د هېوادوالو ستونزې له نږدې واوري.

د هېواد لوی څارنوال د ختیځ زون د ګډونوالو د ستونزو له اورېدو وروسته وویل: «موږ په پوره ژمنه او پرېکنده اراده د افغانستان د خلکو خدمت کوو او په دغه برخه کې ستاسو نظرونه او وړاندیزونه له زموږ سره مرسته کولای شي.» نوموړی باور لري، چې دا ډول ناستې له دولتي ادارو په ځانګړې توګه له لویې څارنوالۍ سره د هېوادوالو د نږدې همکاریو  ښه زمینه برابروي. نوموړي ټينګار وکړ، چې لویه څارنوالي په دوامداره توګه په خپلو کړنو کې د عدل او انصاف له مخې په بې پرې او خپلواکه توګه فعالیت کوي.

د لوی څارنوال په خبره، د افغانستان د خلکو د انساني کرامت، ازادیو او حقونو ساتنه د لویې څارنوالۍ بنسټيز مسؤولیت دی او لویه څارنوالي هم له خپلو مراجعینو سره په عزت او درناوي چلن کوي. ښاغلي حمیدي زیاته کړه: «څوک چې غواړي خپلې ستونزې مخامخ له ما سره شریکې کړي، د هرې دوشنبې ورځ زما دفتر ته مراجعه کولای شي او زه خپله د دوی ستونزې اورم.» ښاغلي حمیدي د خپلو خبرو په دوام سره زیاته کړه، چې د فساد په منځه وړلو کې د خلکو همکاري اړینه او تعیین کوونکې ده.

له بلې خوا د ختیځ زون د استیناف څارنوالۍ رئیس جمیل الرحمن کامګار هم د بې عدالتۍ د له منځه وړلو په برخه کې د خلکو همکاري اړینه وبلله او زیاته یې کړه،چې د خلکو همکاري له لویې څارنوالۍ سره د قانون د تطبیق، د عدالت د ټينګښت او له اداري فساد سره د مبارزې په برخه کې مرسته کولای شي.

په ورته مهال کې د کابل ولایت د عسکري استیناف څارنوالۍ رئیس محمد نواب احمدزي د هېوادوالو د ښه خدمت په موخه په دولتي ادارو په ځانګړې توګه په لویه څارنوالۍ د خلکو باور اغیزناک او حیاتي وباله. د ښاغلي احمدزي په خبره، هغه شکایتونه چې په ختیځ زون کې د پولیسو له منسوبینو یا هم د کابل ښار د ځينو نورو برخو څخه دغه ریاست ته رسېدلې، پر وخت ورته رسیدګي شوې ده. نوموړي د خپلو خبرو په دوام سره د ۱۰۰ شمېرې چې هېوادوالو ته د پولیسو د سرغړونو د ثبت په موخه جوړه شوې هم یادونه وکړه.

دا څلورمه ناسته وه، چې لویې څارنوالۍ له کابل مېشتو سره د نږدې اړیکو د پاللو په موخه د ختیځ، لوېدیځ، شمال او جنوب زونونو د کلیو له وکیلانو سره وکړه.

تازه خبرونه

دوشنبه ۱۳۹۸/۲/۲ - ۱۳:۱۵
Background image

لویې څارنوالۍ په ۱۳۹۷ لمریز کال کې ۴۱۶۵۸ قضیې څېړلې دي

د افغانستان د اسلامي جمهوري دولت لویې څارنوالۍ د ۱۳۹۷ کال خپل د اجرااتو راپور د ۱۳۹۸ کال د غویي پر دویمه (ملت ته د حکومت د ځواب وېینې) په کنفرانس کې وړاندې کړ . . .

چهارشنبه ۱۳۹۸/۱/۲۸ - ۱۰:۱۴
Background image

د وردګ ولایت د استیناف څارنوالۍ د بېلابېلو برخو کړنې وستایل شوې

د لویې څارنوالۍ د ولایتي کنترول او مراقبت رئیس ښاغلي عبدالفتاح شفیق په مشرۍ یو پلاوي د وردګ ولایت ته د ۱۳۹۸ کال د وري پر ۲۵ سفر وکړ. د یاد شوی سفر موخه د وردګ ولایت د استیناف څارنوالۍ د. . .

سه‌شنبه ۱۳۹۸/۱/۲۷ - ۱۵:۱۵
Background image

د کابل نیوز د خبریال عبدالمنان ارغند قاتلین په اعدام محکوم شول

د افغانستان د اسلامي جمهوري دولت لویې څارنوالۍ د کابل نیوز د خبریال د وژنې قضیه له بشپړې څېړنې وروسته محکمې ته واستوله او د یادې قضیې عاملین یې د ۱۳۹۸ کال د وري پر ۱۷ د جزا کود د ۲۶۷. . .

BACK TO NEWS