درې کسان د اختلاس په تور محاکمه شول

ago_admin
چهارشنبه ۱۳۹۷/۱۲/۲۲ - ۱۵:۱
adly qazayee

دغه کسان د اداري فساد له لویو جرمونو سره د مبارزې عدلي او قضایي مرکز د استیناف محکمې له خوا د اختلاس په تور، د ۱۳۹۷ کال د کب پر ۲۱ په علني ډول محاکمه شول.

په دغه قضایي ناسته کې، د افغانستان بانک د حیرتانو د ښارګوټي د څانګې مدیر عبدالحلیم د عبدالعزیز زوی، د نوي کابل بانک د شمال زون آمر محمد کبیر د محمد حکیم زوی او د بلخ ولایت د حیرتانو ښارګوټي کې د افغانستان بانک خزانه دار محمد کریم د محمد نبي زوی محاکمه شول.

د یادې شوې جلسې د قضایي پرېکړې پر بنسټ، عبدالحلیم او محمد کبیر د اختلاس په تور د جزا کود د ۱۷، ۵۸ او ۲۱۳ مادې په نظر کې نیولو سره د جزا قانون د ۳۹، ۱۴۵ او ۲۶۸ مادې له مخې هر یو په یو کال او یوه میاشت تنفیذي بند او په ضمانتي توګه د متوفي غلام محی الدین له متروکې څخه د ۲۷ میلیونه او ۲۶۶ زره افغانیو په ردولو سره محکوم او مجازات شول.

د دغه ناستې قضایي پلاوي، محمد کریم ته د لازمو او کافي دلایلو د نشتوالي له امله د اساسي قانون د ۲۵ او د جزا کود د پنځمې مادې له مخې برائت ورکړ.

همداراز د دغه قضایي ناستې رئیس، د محمد یونس اختر، احمد شاه حکیمي، حاجي سمیع الله، محمد انور، د حیرتانو د څارنوالۍ پخوانی رئیس اسدالله، د یادې څارنوالۍ مستنطق او حاجي شیرین، د عبدالصبور ضامن محبوب الله او د داسې نورو کسانو د عدلي تعقیب په موخه چې په یاده شوې پروسه کې یې لاس درلود، حکم صادر کړ.

 

تازه خبرونه

پنجشنبه ۱۳۹۹/۱۲/۲۹ - ۱۳:۴۶
Background image

لویه څارنوالۍ کې د کرونا ویروس د مخنیوي په اړه نیول شوي وقایوي تدابیر وارزول شول

د افغانستان اسلامي جمهوري دولت لویې څارنوالۍ، د کرونا ویروس د مخنیوي او په دې اړه د وقایوي تدابیرو په موخه، د یادې ادارې د مالي او اداري چارو مرستیال په مشرۍ کمېټه جوړه کړې ده. یادې. . .

چهارشنبه ۱۳۹۸/۱۲/۲۱ - ۱۴:۲۸
Background image

لویې څارنوالۍ په ۱۳۹۸ کال له اداري فساد سره د مبارزې برخه کې ۱۶۸۳ قضیې څېړلې دي

د افغانستان اسلامي جمهوري دولت لویې څارنوالۍ، په ۱۳۹۸ لمریز کال کې له اداري فساد سره د مبارزې مرستیالۍ له لارې، د ۵۰۶ ولایتي قضیو په شمول یو زر او ۶۸۵ قضیې ثبت کړې او څېړلې دي او د. . .

یکشنبه ۱۳۹۸/۱۲/۱۸ - ۱۰:۳۰
Background image

لویې څارنوالۍ په تېرو څلورو میاشتو کې د نشه یي توکو ۳۴۷ قضیې څېړلې دي

د افغانستان اسلامي جمهوري دولت لویې څارنوالۍ، د ۱۳۹۸ کال په وروستیو څلورو میاشتو کې له نشه یي توکو سره د مبارزې د ځانګړې څارنوالۍ له لارې، د نشه يي توکو ۳۴۷ قضیې ثبت کړې او څېړلې دي . .. . .

BACK TO NEWS